Drejtori sportiv i klubit shkodran, Armir Grima, dy ditë më parë ka udhëtuar drejt Kosovës, ku ka takuar trajnerin Ismet Munishi. Ky i fundit shpalli kampione skuadrën e Llamko Kosovës gjatë sezonit të kaluar, ndërsa aktualisht nuk është në drejtimin e ndonjë ekipi. Lajmin e kanë konfirmuar dje edhe mediat kosovare. Sipas gazetës “Arena”, Grima është takuar me Munishin dhe gjasat më të mëdha janë që ai të jetë trajneri i ri i Vllaznisë.
