Ish-ngasësi i Mercedesit dhe shokut skuadre i Lewis Hamiltonit, Nico Rosberg pretendon se Max Verstappen do të ishte kampion bote në rast se do të ishte pjesë e skuderisë së Mercedesit.

Holandezi është shoferi i vetëm që ka fituar këtë sezon që nuk është pjesë e klubit gjerman, ku po dominon britaniku Hamilton.

Kampioni Botëror i vitit 2016 është i bindur se 21-vjeçari aktualisht është shoferi më i mirë i Formula 1.

“Verstappen do të ishte përpara Hamiltonit në renditjen e përgjithshme të Kampionatit në rast se do të ishte pjesë e Mercedesit. Ai ka bërë një sezon fantastik deri më tani dhe mendoj se është shoferi më i mirë në konkurs për momentin”, tha gjermani.

“Ai është ngasës mbresëlënëse dhe e gjithë Holanda çmendet për të. Të gjithë duam ta shikojmë sepse vozitjet e tij janë të çmendura”, tha 34-vjeçari.

Ndryshe, Max deri më tani ka fituar në shtatë gara të ndryshme gjersa Lewis është kampion i pesëfisht i Formula 1. /Telegrafi/