Ministria e Jashtme e Iranit thotë se embargoja e Kombeve të Bashkuara për shitjen e armëve ndaj Iranit ka përfunduar më 18 tetor, sipas kushteve të marrëveshjes bërthamore të vitit 2015, e arritur ndërmjet fuqive botërore dhe Teheranit.
Ministria e Iranit njoftoi se ndalesa për armët është hequr duke thënë se të “gjitha kufizimet mbi transferimin e armëve, aktivitetet e lidhura me të dhe shërbimet financiare për dhe nga Republika Islamike… që të gjitha përfundojnë automatikisht”.
Në teori, Irani do të jetë përsëri në gjendje të blejë armë shtesë konvencionale të tilla si tanke, aeroplanë luftarakë dhe artileri të rëndë.
Heqja e embargos së armëve është kundërshtuar fuqishëm nga Shtetet e Bashkuara, duke thënë se blerja e sërishme e armëve nga Irani është një kërcënim për sigurinë botërore.
Por, ministria tha se Irani nuk ka nevojë të blejë shumë armë pasi doktrina e tij e mbrojtjes është e “bazuar në mbështetjen e fortë te njerëzit e tij dhe aftësitë vendore”.
Po ashtu, në deklaratën e Ministrisë së Jashtme iraniane thuhet se armët e shkatërrimit në masë “nuk kanë vend në doktrinën e mbrojtjes së Iranit”.
Më herët gjatë javës, presidenti iranian, Hassan Rohani iu gëzua heqjes së embargos për armët.
“Dhjetë vjet të sanksioneve të padrejta mbi armët do të përfundojë më 18 tetor”, tha Rohani më 14 tetor.
Por, shpallja e fitores nga Irani për këtë gjë mund të jetë e parakohshme, pasi Tehernai ende po përballet me disa kufizime, përfshirë sanksionet shkatërruese amerikane, që kanë goditur keq ekonominë iraniane.
Embargoja ishte vendosur nga Këshilli i Sigurimit i OBK-së më 2007. Marrëveshja për heqjen e embargos ishte pjesë e marrëveshjes bërthamore të vitit 2015, që u nënshkrua nga Rusia, Kina, Gjermania, Britania, Franca dhe Shtetet e Bashkuara.
SHBA-ja është tërhequr nga marrëveshja bërthamore dhe ka rivendosur sanksione ekonomike ndaj Iranit.
Washingtoni zyrtar më herët gjatë këtij viti ka tentuar që ta zgjerojë embargon për armët konvencionale, por dështoi pas kundërshtimeve në Këshillin e Sigurimit të OKB-së. Administrata e presidentit amerikan, Donald Trump më pas u fokusua që të rivendosen të gjitha sanksionet e OKB-së ndaj Iranit. /REL/
Lufta Prigozhin - Putin
Më shumëUkraina tërheq nga vijat e frontit tanket amerikane Abrams për shkak të kërcënimeve nga dronët rus
Zelensky paralajmëron për një "Çernobil të dytë"
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Erdogan shtyn vizitën në Shtëpinë e Bardhë
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre