Inzaghi shpërthen pas humbjes nga Juventusi: U mposhtëm nga një gol i parregullt

Interi ka pësuar humbjen e dytë radhazi në kampionat dhe të tretën në pesë sfidat e fundit.

Neroazzurët u mposhtën para adhuruesve të vet nga Juventusi në derbin e Serie A.

Por kjo humbje është më e dhimbshme për faktin se të gjithë në kampin zikaltër pretendojnë se janë dëmtuar në golin e shënuar të Juventusit.

Trajneri i Interit, Simone Inzaghi ka shpërthyer pas ndeshjes duke thënë se goli është i papranueshëm dhe ka parë të paktën 20 foto ku futbollisti i Juventusit ndalë topin me dorë.

Lexo po ashtu Juventusi triumfon në Derby d'Italia - Interi lëshon mundësinë për vendin e dytë

“Ndodhi diçka shumë serioze, njësoj si në Monza. Në epokën e VAR-it, të tilla situata janë të papranueshme. E kam shumë të vështirë që si trajner të flas për ndeshjen”.

“Është dorë e pastër, nuk ka nevojë ta them unë këtë. Më thonë se nuk ka imazhe, kam parë të paktën 20 imazhe. Ky gol është i papranueshëm, nuk mundem ta pranoj, është shumë serioze ajo që kam parë. Kjo që ka ndodhur është shumë e rëndë”, u shpreh Inzaghi.

Tutje trajneri italian u rikthye të flasë edhe për ndeshjen, duke thënë se e dinin që do të ishte e vështirë dhe kjo humbje i kthena ta një hap mbrapa.

“E dinim që ishin të mirë në rifillim, edhe ne i trajtuam mirë, por po flasim për një ndeshje me defekte që na kushtoi një hap prapa në rrugën tonë”.

“Forma jonë është e njëjtë, edhe nëse jemi duke adoptuar disa zgjidhje alternative. Sonte goli kushtëzoi lojën. Sonte bëmë diçka gabim teknikisht, por asgjë për të thënë për qëndrimin e djemve”, tha Inzaghi. /Telegrafi/