Manuel Akanji ka vendosur të largohet nga Borussia Dortmundi pas katër viteve qëndrim në Signal Iduna Park.

Qendërmbrojtësi zviceran ka kontratë me verdhezinjtë deri në verën e vitit 2023 dhe nuk ka pranuar rinovimin e saj.

Dortmund tani po pret ofertat e duhura për ta shitur qendërmbrojtësin pasi nuk duan ta humbasin pas një viti pa pare.

Inter është skuadra e fundit që është futur në për zviceranin, pasi ai shihet si zëvendësuesi adekuat i Milan Skriniar, me sllovakun që pritet të transferohet te PSG.

Mediat e ndryshme në Itali dhe Gjermani kanë raportuar se tanimë kanë ndodhet kontaktet e para mes dy klubeve, por edhe drejtuesit e Interit kanë marrë një ‘po’ nga agjentët e Akanjit.

Gjatë javë së ardhshme pritet të ketë takime të reja mes drejtuesve të klubeve dhe Akanji mund tëjetë zëvendësuesi i Skriniar te Inter.

Në garë për qendërmbrojtësin 26 vjeçar janë edhe skuadra të tjera si Arsenal, Manchester United dhe Juventus, derisa Dortmund e vlerëson yllin e tyre rreth 20 milionë euro. /Telegrafi/