Illinois miraton një ligj i cili kërkon që prindërit të kompensojnë fëmijët ‘influencues’
Kur 16 vjeçarja Shreya Nallamothu nga qyteti Normal i Illionis kalonte kohën gjatë pandemisë nëpër platformat e rrjeteve sociale, ajo u bë gjithnjë e më e frustruar me numrin e fëmijëve që shihte të paraqitur në vlogjet familjare.
Ajo kujtoi videot e shumta në shtëpi në të cilat ajo dhe motra e saj ishin filmuar nga prindërit e tyre përgjatë viteve: duke hedhur hapat e tyre të parë, duke shkuar në shkollë dhe ato që ajo i quan “gjëra të tjera të sikletshme”.
“Jam shumë e lumtur që ato video qëndruan në familje. Më bëri të kuptoj se vlogimi familjar po sjell momente shumë private dhe intime në internet”, shtoi ajo, raporton CNN, përcjell Telegrafi.
Nallamothu vitin e kaluar i shkroi një letër senatorit të shtetit të saj, demokratit Dave Koehler, duke i kërkuar atij që të konsideronte legjislacionin për të mbrojtur influencuesit e rinj.
Javën e kaluar, Illinois u bë shteti i parë që miratoi një ligj që vendos masa mbrojtëse për të miturit që shfaqen në videot në internet – dhe mënyrën se si kompensohen ata.
Guvernatori i Illinois, J. B. Pritzker, me 11 gusht nënshkroi një projekt-ligj, të frymëzuar nga letra e Nallamothu, duke përmirësuar Ligjin e Shtetit për Punën e Fëmijëve që do t’i lejojë adoleshentët mbi moshën 18 vjeç të ndërmarrin veprime ligjore kundër prindërve të tyre nëse shfaqen në videot e monetizuara të rrjeteve sociale dhe nëse ata nuk janë kompensuar siç duhet, e ngjashme me të drejtat që kanë aktorët e mitur.
Duke filluar nga 1 korriku i vitit 2024, prindërve në Illionois do t’u kërkohet që të lënë mënjanë 50 për qind të fitimeve për një pjesë të përmbajtjes në një fond mirëbesimi për fëmijën, bazuar në përqindjen e kohës që ata shfaqen në video.
Për shembull, nëse një fëmijë shfaqet në 50 për qind të videos, ai duhet të merr 25 për qind të fondeve, ndërsa nëse shfaqet në 100 për qind të videos, ai duhet të marrë 50 për qind të fondeve. Megjithatë, kjo vlen vetëm në skenarët kur fëmija shfaqet në ekran për më shumë se 30 për qind të vlogj-eve në një periudhë 12-mujore. /Telegrafi/
Promo
Reklamo këtuLufta Prigozhin - Putin
Më shumëPublikohen imazhe të cilat pretendohet se shfaqin modelin iPhone 16 të Apple
Kurse falas të AI, ato ofrohen nga Harvard, Google – Microsoft e shumë kompania tjera
Apple raporton për rënien më të madhe të shitjeve të iPhone që nga muajt e parë të pandemisë
Microsoft zbulon investimin e radhës miliarda dollarësh në Malajzi
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Netflix ka përgatitur një tjetër surprizë të ‘pakëndshme’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe