Rrethojat në oborrin e Qeverisë së Kosovës janë larguar sot gjatë ditës, ndërsa lidhur me këtë nga zyra e kryeministrit kanë thënë se në mes të sheshit të qytetarëve dhe oborrit të institucionit nuk duhet të ketë pengesa të tilla.

Zëdhënësi i Qeverisë në detyrë, Përparim Kryeziu ka folur në lidhje me heqjen e rrethojave në oborrin e ndërtesës.

Kryeziu ka thënë për Telegrafin se janë hequr rrethojat sepse mes sheshit të qytetarëve dhe oborrit qeveritar nuk duhet të ketë pengesa të tilla.

“Në mes sheshit të qytetarëve dhe oborrit të Qeverisë nuk duhet të ketë pengesa të tilla”, tha Kryeziu. /Telegrafi/