Shkëndija do të luajë kundër FC Red Bull Salzburg në raundin e tretë kualifikues të Ligës së Kampionëve.

Pas triumfit ndaj Sheriff Tiraspolit në raundin e dytë kualifikues, kampioni i Maqedonisë siguroi pjesëmarrjen në raundin e tretë kualifikues të garës më të madhe evropiane për klube, ku do të luajë kundër ekipit austriak.

Takimi i parë ndërmjet këtyre skuadrave do të zhvillohet në Stadion Salzburg më 8 gusht (e mërkurë), kurse ekipi nga Tetova e zhvillon ndeshjen kthyese në Filip II Arena në Shkup një javë më pas (14 gusht).

Ndërkohë, në Nyon të Zvicrës është tërhequr shorti i ndeshjeve të ‘play-offit’ në kuadër të fazës kualifikuese dhe Shkëndija e ka mësuar kundërshtarin e ardhshëm në rast se e kalon Salzburgun.

Lajmet për Shkëndijën Lajmet për Shkëndijën

Ndeshjet e barazhit janë ndarë në rrugën e kampionëve dhe atë të ligës, me ç’rast fituesit e gjashtë dueleve do të bëjnë gara në fazën grupore.

Nëse e kalon Salzburgun, Shkëndija do të luajë ose me klubin serb, Crvena Zvezda, ose me atë sllovak, Spartak Trnava.

Rruga e kampionëve
Crvena zvezda (Serbi)/Spartak Trnava (Sllovaki) v Salzburg (Austri)/Shkëndija (Maqedoni)
Qarabag (Azerbajxhan)/BATE Borisov (Bjellorusi) v PSV Eindhoven (Holandë)
Young Boys (Zvicër) v Astana (Kazakistan)/Dinamo Zagreb (Kroaci)
Malmo (Suedi)/Vidi (Hungari) v Celtic (Skoci)/AEK Athens (Greqi)

Rruga e ligës
Benfica (Portugali)/Fenerbahce (Turqi) v PAOK (Greqi)/Spartak Moska (Rusi)
Standard Liege (Belgjikë)/Ajax (Holandë) v Slavia Praga (Çeki)/Dynamo Kyiv (Ukrainë)

Raundi i tretë kualifikues përfundon më 14 gusht, ndërsa ndeshjet e ‘play-offit’ do të zhvillohet në datat 21/22 dhe 28/29 gusht. Ekipet që humbin në barazh do të luajnë në fazën grupore të Europa League. /Telegrafi/