Në konferencë për media janë paraqitur sot Valon Berisha dhe Florent Hasani, një ditë pas ndeshjes me Gjibralarin.

Ky i fundit, i cili realizoi gol në miqësoren e djeshme është shprehur i gatshëm për të dhënë kontributin e tij sa herë që këtë ia kërkon trajneri.

“Çdo lojtar është i gatshëm për hapësirën që jepet ose prej fillimit ose në pjesën e dytë, ose pesë minuta në fund”.

“Edhe unë jam i gatshëm për të dhënë maksimumin për të ndihmuar ekipin”.

“ Malazezët do të vijnë të na shkaktojnë probleme neve dhe të marrin tri pikë apo rezultat pozitiv që mos të mbesin në fund në grup. Por, ne, do të jemi të gatshëm që nga minuta e parë. Jemi duke u përgatitur mirë. Ekipi është i gatshëm dhe do të luajmë vetëm për fitore”.

“Është një finale e radhës për ne. Normalisht konkurrenca po rritet, po kemi lojtarë të rinj, lojtarë që po kthehen nga lëndimet dhe kjo është e mirë për ekipin. Konkurrenca e bënë të vetën, aq më tepër kur është e shëndoshë si te ne”, ka theksuar Hasani.

Konferencë Valon Berisha – Florent Hasani

Publiée par Federata e Futbollit e Kosovës – Football Federation of Kosova sur Vendredi 11 octobre 2019