Kryetari i AAK-së Ramush Haradinaj i ka dalë në krah SBASHK-ut dhe sindikatave tjera në lidhje me kërkesën për rritje të pagave prej 100 euro.

Haradinaj në RTV Dukagjini thotë se ka kaluar një kohë e gjatë dhe Kosova është pa ligj dhe rritje të pagave.

“Është shumë e pakuptimtë për mua mos gatishmëria e Kurtit për të pranuar një kërkesë shumë minimale. Vërtetë kjo kërkesë për ngritje të pagave për 100 euro është vërtetë minimale. Unë nuk po e përhahi grevën por kërkesën legjitime të mësimdhënësve për 100 euro më shumë në pagë”, tha ai, përcjell Telegrafi.

I pari i AAK-së thotë se Qeveria duhet ta shqyrtojë këtë kërkesë minimale për rritje të pagave.

Reklama

“Kurti duhet ta lërë inatin, ta kuptojë se nuk ka të bëjë me Rrahman Jasharajn, por ka të bëjë me 20 mijë mësimdhënës, të cilët kanë qenë pararojë e proceseve në vazhdimësi. E këshilloj Kurtin, se kjo kërkesë është minimale, habitem sa e kanë duru kurtin Sindikatat, nuk e kuptojë këtë logjikë të Kurtit”, ka thënë ai.

Reklama

Ai ka komentuar lidhjet e mundshme politike të Rrahman Jasharajt me ish partitë e PAN-it.

“Në vendet demokratike duhet të ekzistojë debati trepalësh, ku sindikatat janë partnerë. Ne kemi respektuar atë parim atëherë dhe kemi negociuar me Jasharajn Ligjin e Pagave. Ne kemi pasur një negociam mjaft të vështirë me Jasharajn për Ligjin e Pagave”.

Reklama

Haradinaj thotë se është logjikë e gabuar të etiketohen sindikatat si armiq të qeverisë apo shtetit./Telegrafi/