Griezmann thotë se është shumë i mirë në Football Manager, befason me klubin që luan

Për shumë vite, loja Football Manager ka qenë shumë e popullarizuar në mesin e tifozëve të futbollit në mbarë botën.

Luhet nga tifozë, trajnerë dhe futbollistë dhe njëri prej tyre është Antoine Griezmann, ylli i Atletico Madridit dhe Francës.

Ai ndau përvojat e tij me këtë lojë në një intervistë për ESPN amerikane.

“Po, unë luaj Football Manager. Me Blackburn Rovers. Jam shumë mirë, jam në ligën e parë, aktualisht në vendin e gjashtë. Drejtuesit ende nuk po ankohet”, ka treguar fillimisht Griezmann duke qeshur.

Ai tregoi edhe detaje të tjera me skuadrën që drejton, duke shtuar me shaka se klubi kërkon që t’i rinovojë kontratën.

“Ata duan të më vazhdojnë kontratën dhe së fundmi kam sjellë një lojtar shumë të mirë. Ai është skocez, ka luajtur për Liverpoolin, por nuk më kujtohet emri i tij”, nënvizoi francezi.

Griezmann është një nga lojtarët më të mirë në ligën spanjolle këtë sezon, dhe ai është gjithashtu i shkëlqyer në Ligën e Kampionëve.

Deri më tani ai ka shënuar 14 gola dhe dy asistime./Telegrafi/