Pavarësisht se daton që nga mesjeta apo shekulli i njëmbëdhjetë, nocioni “Metohija” si term kishtar, vazhdon të përdoret edhe sot nga popullsia serbe që jeton në Kosovë, por jo vetëm. Kosovës i referohen me këtë nocion edhe drejtuesit e lartë të institucioneve serbe, por nuk është kjo e gjitha.
Në hyrje të Graçanicës, shumë afër Prishtinës, një rrugë është e emërtuar “Kosova Metohija”. Nocion ky i cili jo rrallë herë ka krijuar edhe tensione verbale ndërmjet serbëve dhe shqiptarëve.
Sipas historianit, Muhamet Malaj ky term nënkupton hapësirën që sot në Kosovë është rajoni i Dukagjinit.
“Për fat të keq ky term me konotacion politikë ka filluar të përdoret për shkak të politikës serbo madhe, e cila në fakt territorin e Dukagjinit, ose pjesën perëndimore të Kosovës, që njihet që nga viti 1281, me emrin “Dukagjin”, ta zëvendësonte me një terminologji tjetër. Por gjatë mesjetës nuk e kemi termin “Metohija”, në kuptimin që e ka sot, pra ka qenë pronë kishtare. Ndërsa, sot ka marrë një konotacion politikë dhe është një tendencë për të dëshmuar gjoja mbi sundimin kishtar të Kishës Ortodokse serbe në këto territore. Pra nga një kategori kishtare ka marrë një konotacion politikë dhe si një lloj kundërpërgjigje ndaj termit “Dukagjin”, thotë Malaj.
Që nga viti 1974, ky term është larguar nga përdorimi dhe për territorin e Kosovës është përdorur “Kosovë”.
Megjithatë, me tendencat për t’u kthyer prapë në atë politikë, ky term është futur prapë në përdorim. Madje, term i tillë po gjendet edhe në rrugët e Kosovës.
KosovaPress ka tentuar të marrë një përgjigje nga Dejan Jovanoviq, drejtor i Urbanizmit në komunën e Graqanices, por një gjë e tillë ka qenë e pamundur.
Për këtë nuk kanë folur as Ministria e Administrimit dhe Pushtetit Lokal, përkundër insistimeve tona.
Historiani Muhamet Malaj thotë se Serbia nuk është liruar asnjëherë nga këto steorotipe të vjetra.
“Për fat të keq politika serbe ende nuk është liruar nga këto steorotipe të vjetra, përkundrazi ajo po i rikthen në tregun politikë këto terminologji të cilat janë të larguara, që i ka larguar edhe koha, edhe historia, për faktin se janë kategori historike, nuk janë kategori politike, bashkëkohore… Tendenca pra është politike që termit Kosovë t’i ndajshtohet edhe një element tjetër me proviencë fetare ortodokse-serbe”, vazhdon Malaj.
Siç thotë Malaj, kjo është ndër lëshimet e shumta që ka bërë politika e Kosovës.
Gani Hyseni, banor në këtë komunë thotë se institucionet e Kosovës, duhet të reagojnë sa më shpejtë.
“Në këtë vend në hyrje të Graqanicës, rruga ka emrin “Kosova Metohija”, duhet të reagojnë institucionet qendrore në rend të parë, dhe nuk është në rregull që 20 vjet me funksionu ky sistem kështu, sepse nuk e di në çfarë mënyre, si e shohin politikanët këtë situatë. Këtu është Kosovë, nuk është Metohi, por është Kosovë, por duhet urgjentisht me i trajtu këto gjëra sa më shpejtë… Kosova është Kosovë, jo Metohi”, thotë Hyseni.
Derisa për banorët kosovarë në këtë komunë është shqetësuese një emërtim i tillë, njëjtë nuk ndodhë me ata serbë.
“Për këto pyetje shkoni direkt në komunë”, shprehet ai.
KosovaPress ka provuar të pyes edhe disa qytetarë serbë të kësaj komune, por asnjëri nga ta nuk ka folur para kamerës për këtë çështje.
Sipas historianit Muhamet Malaj, sikur Kosova të ishte shtet më serioz, atëherë përdorimi i termit “Kosova Metohija”, me kuptimin e serbëve që e përdorin, do të duhej të ndalohej edhe në kuptimin ligjor. Kjo tendencë e këtij përdorimi është akronike dhe tendencioze. /kp/Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre