Gol dhe asistim, Shaqiri protagonist në triumfin e Lyonit ndaj Marseille

Lyoni e ka fituar derbin e Ligue 1 kundër Marseille me rikthim (2-1) dhe e gjitha kjo falë Xherdan Shaqirit.

Mesfushori shqiptar ishte protagonisti kryesor i skuadrës nikoqire në sfidën e zhvilluar në Groupama Stadium, pasi shënoi një gol dhe dhuroi asistimin në golin e fitores.

Matteo Guendouzi ishte futbollisti që e zhbllokoi rezultatin duke realizuar për mysafirët në pjesën e parë (10’).

Shaqiri luajti nga fillimi në këtë ndeshje dhe ishte vendimtar në momentin e duhur duke e barazuar rezultatin me kokë (76’) pas një harkimi nga Malo Gusto.

Dhe me një krosim mjeshtëror për Moussa Dembele, ai ishte arkitekti i golit të fitores (89′).

Lyoni është në vend të shtatë në renditjen e Ligue 1 me 34 pikë, derisa Marseille ndodhet në vend të tretë me gjashtë pikë më shumë. /Telegrafi/

#Ligue1UberEats | #OLOM

🎥 Le but de Shaqiri en vidéo

🔴🔵 OL 1-1 OM ⚪🔵#TeamOL #TeamOM

https://t.co/UcMWQgnYXb

— Ligue 1 Live (@Ligue1Live_) February 1, 2022

C’est un but digne d’un numéro 9 de classe mondiale que vient d’inscrire Moussa Dembele en toute fin de match 😱😍
https://t.co/2sr0cEbFh4

— Marciano Mikael (@mikael_marciano) February 1, 2022