Gjyqtarja shqiptare e futbollit mbyll rrjetet sociale për shkak të mesazheve seksiste, kërkon t’i vlerësohet puna dhe jo dukja

Një nga gjyqtaret më të njohura të futbollit, shqiptarja Emanuela Rusta, është ngopur me mesazhet seksiste që merr në fushë dhe jashtë saj, dhe ka fshirë rrjetet sociale pasi kërkon të gjykohet për profesionalizmin e saj.

30-vjeçarja Emanuela Rusta tërhoqi vëmendjen pasi u bë gjyqtarja e parë femër shqiptare nën autoritetin e FIFA-s. Ajo është shqiptarja e parë që gjykon një ndeshje në Superligën Shqiptare për meshkuj dhe më pas në muajt e fundit ka dalë në skenën evropiane.

Rusta do të ketë një sfidë të madhe sonte dhe do të gjykojë ndeshjen e Ligës së Kampionëve për femra mes Sporting Lisbonës dhe Real Madridit.

Në një deklaratë për mediumin AFP, ajo tha se ishte mërzitur duke dëgjuar komente për pamjen e saj.

“Ata duhet të përqendrohen më shumë në profesionalizmin tim sesa në gjëra të tjera. Më është dashur të luftoj fort për t’u pranuar. Gjykimi nuk është çështje gjinie, por kompetence”, ka thënë fillimisht Rusta, duke shtuar se ajo ishte e shqetësuar nga “titujt seksistë në mediat vendore”.

👏🏻 Një katërshe arbitresh nga Shqipëria do të gjykojnë Sporting CP-Real Madrid në UEFA Women’s Ch. League.

Emanuela Rusta do të jetë arbitre kryesore, ndërsa Erinda Kume dhe Mirjeta Salla arbitre anësore. Eglantina Pjetrushaj është përzgjedhur arbitre e katërt në këtë sfidë. pic.twitter.com/v1Jor1oMFg

— FSHF (@FSHForg) September 13, 2024

Për shkak të komenteve për pamjen e saj, ajo ka vendosur të tërhiqet nga të gjitha rrjetet sociale, ndërsa ka fshirë edhe profilin e saj në Instagram, ku ka publikuar foto magjepsëse nga jeta e saj private.

Nga ana tjetër, ajo vlerësoi kolegët e saj në Federatën e Futbollit të Shqipërisë dhe Shoqatën e Gjyqtarëve Shqiptarë.

“Shoqata ka qenë gjithmonë e fokusuar në promovimin e femrave, ndaj çështja ime nuk është fundi i procesit. Shpresoj që të mos jetë e largët dita kur katër femra do të gjykojnë një ndeshje në kategorinë më të fortë të meshkujve. Edhe pse në dukje është dominues mjedisi mashkullor, ndihem i respektuar mes lojtarëve”, ka shtuar gjyqtarja shqiptare.

2023-24 UEFA Women’s Nations League
05/12/2023
League B – Group 4
19:00 CET – Pardubice (CFIG Arena)
CZECH REPUBLIC – SLOVENIA
Referee: Emanuela Rusta ALB
Assistant Referee 1: Erinda Kume ALB
Assistant Referee 2: Koleta Prenga ALB
Fourth Official: Eglantina Pjetrushaj ALB pic.twitter.com/2t2CjmwvzE

— Law 5 – The Ref (@Law5_TheRef) December 6, 2023

Interesant është fakti se rreth dhjetë ditë më parë, Rusta ka gjykuar një ndeshje të rëndësishme në Bosnje dhe Hercegovinë.

Ajo ishte në krye të ekipit të gjyqtarëve që administroi drejtësinë në finalen e turneut të Ligës së Kampionëve midis SFK 2000 Sarajevo dhe Benfica në Koshevë, në të cilën kampionet boshnjake u eliminuan nga gara më elitare evropian.

Rusta aspiron të bëhet si kolegia e saj franceze, Stephanie Frappart, e cila u bë gruaja e parë që gjykoi ndeshjet e Ligës së Kampionëve për meshkuj.

Gjyqtarja franceze gjykoi edhe në kampionatin evropian dhe botëror të meshkujve. /Telegrafi/