Drejtori i Zyrës për Kosovën në Qeverinë e Serbisë, Marko Gjuriq ka deklaruar se Serbia kërkon veprim të menjëhershëm dhe të vendosur nga bashkësia ndërkombëtare ndaj vendimit të Qeverisë së Kosovës për të vendosur taksën shtesë për 10 për qind në importin e mallrave nga Serbia dhe Bosnja e Hercegovina.
“Përgjegjësia për këtë dhunë ekonomike dhe ligjore është te komunitetit ndërkombëtar”, ka thënë Gjuriq në një konferencë për shtyp në Qeverinë e Serbisë, raporton “Beta”.
Gjuriq ka thënë se “me këtë vendim Prishtina ka pamundësuar vazhdimin e dialogut në Bruksel derisa ta tërheqin vendimin e paligjshëm dhe të dëmshëm, i cili është i motivuar politikisht dhe në kundërshtim me të gjitha marrëveshjet”, përcjell Telegrafi.
“Luftërat tregtare, të cilat po i nis Prishtina banojnë vetëm në kokat e sëmura, të cilët mendojnë se mund të bëjnë diçka, dhe dëmtojnë popullin serb dhe shqiptar. Askush nuk mund ta ndalojë asnjë qarkullimit të mallrave, as rrjedhjen e kapitalit”, ka thënë Gjuriq, duke shtuar se duhet ndaluar dhunën ligjore dhe ekonomike, dhe se është e nevojshme që Kosova ta tërheq vendimin.
Gjuriq ka thënë se Serbia do të mbrojë interesat e serbëve, duke thënë se lufta tregtare midis Kosovës dhe Serbisë është konflikt të drejtpërdrejtë me normalitetin.
Ai ka thënë se gjatë ditës së gjithë për tërë këtë ka diskutuar me presidentin dhe kryeministren e Serbisë, Aleksandar Vuçiq dhe Ana Brnabiq, si dhe me ministrin e Tregtisë, Turizmit dhe Telekomunikacionit, Rasim Ljajiq.
Sipas Gjuriq, vendimi i qeverisë së Kosovës “është një tregues i nervozizmit të madh të dikujt në Prishtinë, për shkak se po iu shkrihet projekti shtetëror”.
“Qeveria serbe po merr të gjitha masat në CEFTA dhe Komisioni Evropian, për t’i informuar në lidhje me veprimin e Prishtinës”, ka thënë Gjuriq, duke shtuar se për këtë hap të Qeverisë së Kosovës nuk ishin të informuar përfaqësuesit e serbëve në Kosovë.
Qeveria e Kosovës sot ka miratuar vendimin për vendosjen e taksës shtesë prej 10 për qind në mallrat që importohen nga Serbia dhe Bosnja e Hercegovina.
Zëvendëskryeministri dhe ministri i Jashtëm i Kosovës, Behgjet Pacolli, ka theksuar se pikërisht sot ka filluar aplikimi i një qasje proporcionale ndaj Serbisë, dhe nëse është nevoja edhe përshkallëzuese, përmes së cilës Serbia do ta kuptojë që për cilëndo sjellje të saj negative, dëmtuese dhe cenuese ndaj Kosovës, do të ketë një çmim të cilin do ta paguaj fillimisht ajo./Telegrafi/
Lufta Prigozhin - Putin
Më shumë"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Mexhiti: VLEN fituese tek shqiptarët, procesi zgjedhor nuk ka qenë demokratik
Rruga për në Këshillin e Evropës, Weber: Kosova “ra” në kushtet joformale të Perëndimit
Ademi: Fitore historike për Frontin Evropian
Mucunski i OBRM-PDUKM-së: Censusi për president është arritur, BDI e vetëdijshme se do të jetë në opozitë
Çështja e Asociacionit, Haziri: Kurti dëshiroi t’ia lë ;zjarrin në dorë' Osmanit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?