Në periudhën prej datës 29 gusht 2022 deri më 04 shtator 2022, në territorin e Republikës së Maqedonisë është kryer kontroll i përforcuar aksionar për sanksionimin e kundërvajtjeve të kryera nga drejtuesit e motoçikletave, me ç’rast janë sanksionuar 302 drejtues mjetesh.

Reklama

Prej tyre, 194 nuk kanë përdorur kaskë mbrojtëse gjatë drejtimit të mjetit ndërsa 62 kanë drejtuar motoçiletat pa leje drejtimi.

Siç informojnë nga Ministria e Punëve të Brendshme, gjashtë motoçikleta janë konfiskuar për shkak të lejes së qarkullimit të skaduar dhe shkaktimit të zhurmës, si dhe janë sanksionuar edhe për kundërvajtje të tjera.

Aksionet e intensifikuara të kontrolleve vazhdojnë edhe në ditët në vijim.