Gjilani e ka mposhtur në shtëpi 2-0 Drenicën në kuadër të javës së 30-të në Superligën e Kosovës.

Gjilanasit e filluan mjaftë mirë takimin duke fituar penallti qysh në minutën e tretë, pasi Lushtaku pengoi në zonë Shabanin.

Mirëpo, Fiton Hajdari fillimisht shënoi nga pika e bardhë, ndërsa gjyqtari i takimit e anuloi atë shkaku që lojtari u ndal para topit, duke kaluar topin te portieri i mysafirëve.

Ishte minuta e 22-të kur Gjilani kaloi në epërsi me anë të Keita Razak që realizoi nga distanca.

Goooool 🎯Kalojmë në epërsi me golin e Keita Razak…SC Gjilani🆚️KF Drenica 1:0

Publiée par SC Gjilani sur Dimanche 12 juillet 2020

Razak vazhdoi me ritmin e lartë të lojës, pasi arriti të dyfishonte rezultatin për skuadrën e tij në minutën e 34-të.

Gooool 🔥🔥🔥Përsëri Gjilani, përsëri Keita Razak…SC Gjilani🆚️KF Drenica 2:0

Publiée par SC Gjilani sur Dimanche 12 juillet 2020

Pjesa e parë përfundoi me këto dy gola, ndërsa në të dytën nuk munguan raste, por nuk u konkretizuan ato.

HT| ⏱Mbyllet pjesa e parë me dy golëshin e Keita Razak në minutat 22' dhe të 34'SC Gjilani🆚️KF Drenica 2:0

Publiée par SC Gjilani sur Dimanche 12 juillet 2020

Ishte përsëri Gjilani që insistonte të shënonte më shumë gola, mirëpo në minutën e 64-të, Plaku dëshiro të shënonte në portën e zbrazur.

Vendasit mbetën me një lojtar më pak në fushë, shkaku që Armend Halili (73’) pranoi edhe kartonin e dytë të verdhë.

Edhe pse me dhjetë lojtarë në fushë, gjilanasit u treguan edhe në vazhdimësi të rrezikshme, mirëpo rezultati mbeti i pandryshuar (2-0).

Pas javës së 30-të, Gjilani është në pozitën e dytë me 61 pikë, derisa Drenica në të tetin me 38 sosh. /Telegrafi/