Gjesti Rozanës në mbrojtje të Eglit: Ti e di si ka qenë e ngarkuar, banorja: Kur dola t’u realizua ëndrra

Tensioni mes Rozana Radit dhe Egli Takos u rrit edhe më shumë në oborrin e Big Brother VIP Albania, ku debati u bë më i ashpër.

Rozana këmbënguli se Egli nuk ishte kthyer për veten e saj, por sepse kishte humbur veten gjatë rrugëtimit.

“Nuk je kthyer për veten tënde dhe për të dalë ashtu siç hyre. Gjatë rrugës e humbe veten”, tha Rozana.

Në këtë moment, ndërhyri edhe Gjesti, duke u përpjekur të qetësojë situatën.

Ai i kërkoi Rozanës të mos debatonte me Eglin, duke e ditur në çfarë gjendje kishte qenë ajo para se të largohej.

“Lëre, sapo ka hyrë, e di shumë mirë në çfarë gjendje ka qenë”, tha ai.

Rozana e sfidoi me një pyetje: “A unë apo ti kemi qenë që e kemi quajtur posesive?”.

Gjesti u përgjigj: “Të dy”.

Egli reagoi duke i thënë Rozanës se kishte parë reagimin e saj në momentin e rikthimit.

“Pashe fytyrën tënde kur hyra, nuk u gëzove, t’u realizua ëndrra më e madhe”, tha ajo.

Me përkeqësimin e debatit, Egli vendosi të largohej, duke lënë një mesazh të qartë.

“Mirë, zihuni me njëri-tjetrin, bëni çfarë të doni”, tha ajo.

Largimi i saj la të hapur konfliktin mes tyre, duke shtuar edhe më shumë tension në shtëpi.

Ndërsa Gjesti dhe Rozana mbetën jashtë duke u munduar të qartësohen. /Telegrafi/