Gjermania ka dërguar në Komisionin Evropian një letër ku denoncon përdorimin nga prodhuesi Fiat-Chrysler (FCA) të një pajisje ilegale për sa i përket ndotjes që shkaktojnë veturat diesel.

“Sipas testeve të zhvilluara nga KBA, agjencia federale e automobilave, në katër vetura të grupit FCA, sistemi i filtrimit të produkteve ndotëse çaktivizohet pas 22 minutash”, lexohet në letrën e Ministrisë gjermane të Transportit që daton të mërkurën.

Pra kjo pajisje qëndron aktive dy minuta më shumë se sa kohëzgjatja e një kontrolli normal kundër ndotjes.

Nga ana tjetër, niveli i oksidit të azotit, lëndë shumë ndotës, që nxirret në atmosferë shpesh herë është 9-15 herë më i lartë se niveli i autorizuar.