Pavarësisht se sa të larta mund të jenë temperaturat gjatë udhëtimit, është mirë të mbani mend disa nga paralajmërimet më të rëndësishme përpara se të shkoni në një udhëtim veror.

Në këtë drejtim, përcjell Telegrafi, para se të udhëtojmë, duhet të pushojmë dhe të ndalemi në intervale të rregullta gjatë udhëtimeve të gjata – madje çdo dy orë të vozitjes.

Gjithashtu, ju duhet të keni një përgatitje të mirë për kushtet e vozitjes suaj, edhe gjatë verës.

Në këtë drejtim, është e rëndësishme të rregullohet sistemi i kondicionimit të ajrit në veturë.

Dhe kur jemi tek kondicionimi i ajrit, nuk duhet të ketë shumë ndryshim midis temperaturës brenda automjetit dhe temperaturës së jashtme – dallimi duhet të jetë mundësisht deri në tetë shkallë.

Ndër tjerash, gjithmonë duhet të merrni me vete lëngje të mjaftueshme dhe ujë – përjashtuar lëngjet e gazuara, përcjell Telegrafi.

Veç këtyre, ju duhet të merrni informacione rreth situatës në trafik, përkatësisht kolonave.

Për shkak të numrit të lartë të turistëve, këshillohet që shoferët të mos zgjedhin momentin e fundit ose pasditen për të udhëtuar – një gjë e tillë mundësisht të bëhet në mëngjes. /Telegrafi/