Reperi i njohur shqiptar, Getinjo, ka publikuar së fundmi një fotografi me babanë e tij në Facebook, duke ndarë me ndjekësit një mesazh të fuqishëm dhe reflektiv për rëndësinë e familjes.
Në postim ai ka shkruar: “Përshëndetje nga unë dhe babai im. Burri që nuk shpenzon kohë me familjen, s’mund të jetë kurrë burrë i vërtetë”.
Ky postim nxjerr në pah lidhjen e ngushtë që reperi ka me babanë e tij dhe vlerat që i jep familjes.
Getinjo dhe vëllai i tij, Mozzik, janë fëmijët e vetëm të familjes dhe kanë treguar në shumë raste mirënjohje për prindërit e tyre, duke i falënderuar për sakrificën dhe përkushtimin që kanë bërë për ta.
Ky moment i ndarë publikisht tregon edhe njëherë anën më njerëzore të artistit, larg skenës dhe muzikës, duke reflektuar mbi rëndësinë e mbajtjes së familjes në qendër të jetës.
Getinjo në anën tjetër këtë vit ka qenë më i distancuar nga muzika, projektet e reja dhe koncertet.
Pritet të shihet në vazhdim nëse do të ketë të reja nga ai sa i përket anës profesionale. /Telegrafi/
