Ky është momenti kur një parashutist me “snowboard”, arrin të sillet 160 herë në ajër para se të hap parashutën.

Videoja është realizuar në 4.200 metra lartësi gjatë 1 nëntorit – duke fluturuar mbi Giza, Egjipt, ku ky burrë ka arritur të futet në librin e rekordeve Guiness, për më së shumti rrotullime të bëra sikurse helika e helikopterit, transmeton Telegrafi.

Keith Edward Snyder nga Shtetet e Bashkuara ishte shoqëruar nga dy parashutistë tjerë – ku njëri po e filmonte hedhjen dhe rrotullimet e tij.

Pasi kërceu nga aeroplani me snowboard në këmbë, Snyder filloi të rrokulliset 360 gradë – duke arritur një rekord prej 160 rrotullimeve.

E tërë ngjarja ka ndodhur në qiellin e kaltër, përkatësisht mbi piramidën e Gizës, ku parashutisti zbriti pranë saj dhe kreu me sukses misionin e tij. /Telegrafi/