Forbes publikon listën e 10 futbollistëve më të paguar në vitin 2020, Ronaldo më i paguari

Ylli portugez i Juventusit, Cristiano Ronaldo është futbollisti më i paguar në planet sipas listës më të fundit nga revista prestigjioze Forbes.

Revista e njohur amerikane ka lëshuar ​​renditjen me atletët më të pasur meshkuj në botë, me legjendën e tenisit Roger Federer që zuri vendin e parë për herë të parë ndonjëherë, pasi fitoi 106.3 milionë dollarë.

Ylli i Juventusit dhe Portugalisë, Ronaldo u rendit i dyti në përgjithësi apo i pari nga lojtarët më të paguar duke arritur fitime prej 105 milionë dollarësh, ku shumica vijnë nga paga, reklamimet dhe bizneset.

Fituesi i pesëfishit të Ballon d’Or bëri 1 milion dollarë më shumë sesa rivali i tij më i madh, Lionel Messi, i cili fitoi gjatë vitit plot 104 milionë dollarë.

Në vendin e tretë në listën e futbollit gjendet braziliani Neymar, i cili pa që llogaria e tij bankare u rrit për 95.5 milion dollarë nga marrëveshjet e ndryshme tregtare dhe paga e tij fitimprurëse te PSG.

Vendi i katërt për këtë vit i takon yllit të Liverpoolit, Mohamed Salah me fitimet prej 35.1 milionë dollarësh që vijnë si rezultat i pagës së tij prej 23.1 milionë dollarësh dhe 12 milionë dollarë tjera nga reklamimet dhe bizneset e ndryshme.

Kylian Mbappe, lojtari më i ri në listë, fitoi 33.8 milionë dollarë për ta vendosur atë në vendin e pestë, ndërsa Andres Iniesta u rendit i gjati me 29.6 milionë dollarë fitime.

Dhjetë të parët u kompletuan nga ylli i Arsenalit Mesut Ozil, ylli i Manchester Unitedit dhe Francës Paul Pogba, Oscar i Shanghai SIPG dhe sulmuesi i Barcelonës, Antoine Griezmann.

Dhjetë futbollistët më të paguar në botë:

1.Cristiano Ronaldo – 105 milionë dollarë

2.Lionel Messi – 104 milionë dollarë

3.Neymar – 95.5 milionë dollarë

4.Mohamed Salah – 35.1 milionë dollarë

5.Kylian Mbappe – 33.8 milionë dollarë

6.Andres Iniesta – 29.6 milionë dollarë

7.Mesut Ozil – 28,7 milionë dollarë

8.Paul Pogba – 28.5 milionë dollarë

9.Oscar – 27.5 milionë dollarë

10.Antoine Griezmann – 26.7 milionë dollarë

/Telegrafi/

⚽ @Cristiano tops Lionel Messi as the highest-paid footballer in the world, according to @Forbes 🌟#PowerRankings #Football #ESPNCaribbean pic.twitter.com/qce8dU0NZD

— ESPN Caribbean (@ESPN_Caribbean) May 30, 2020