Mbrojtësi i Kosovës, Fidan Aliti nëpërmjet një mesazhi ka apeluar të qytetarët e Kosovës që të qëndrojnë në shtëpitë e tyre në mënyrë që ta përballojmë më lehtë situatën me coronavirusin (Covid-19).

Ai shtoi se do të takohemi në qershor për ta bërë ëndrrën realitet.

“Të dashur qytetarë të Kosovës dhe adhurues të futbollit, e di se po i kaloni disa ditë të vështira brenda mbyllur, por është shumë e rëndësishme t’i respektojmë rregullat dhe udhëzimet e shtetit tonë”.

“Të rrimë brenda mbyllur që ky virus të kalojë sa më shpejt. Bashkë jemi më të fortë dhe e kalojmë edhe këtë sfidë”.

Mbrojtësi i Kombëtares së Kosovës @fidanaliti ka një mesazh për të gjithë qytetarët e Kosovës në këtë periudhë të vështirë si pasojë e koronavirusit Covid-19. #qëndronështëpi #papanik #mekujdes #dardanet 🙏🇽🇰💪

Publiée par Federata e Futbollit e Kosovës – Football Federation of Kosova sur Vendredi 20 mars 2020

“Takohemi në qershor për të realizuar ëndrrën tonë – Kosovën tonë ta çojmë në Kampionatin Evropian. Forca Kosova!”, ka theksuar mbrojtësi, Fidan Aliti në video-mesazh. /Telegrafi/