Feronikeli edhe pse ishte më i mirë se TNS në fund pësoi humbje me rezultat 1-0.

Ndeshja e parë në Uells kishte përfunduar 2-2 dhe me rezultat të përgjithshëm 3-2, drenicasit largohen nga gara më prestigjioze në Evropë.

Feronikeli ishte skuadër shumë më kërkuese në pjesën e parë të lojës, duke renditur disa raste.

Mendurim Hotin, Astrit Fazliun, Mevlan Zekën e Albert Dabiqajn kishte raste të mira por që nuk arritën të shënonin.

Edhe në pjesëne e dytë Lapidar Lladrovci kishte dy raste të mira me kokë, por që nuk qëlloi portë.

Ligji i pashkruar i futbollit” “Kur nuk shënon pëson”, funksionoi për Feronikelin.

Ka qenë sulmuesi Ebbe, ai i cili posa u inkuadrua në lojë realizoi një gol me kokë në portën e Florian Smakiqit.

Ai mbeti i pambuluar në zonë.

Deri në fund Nikli kishte raste, por që nuk arritën të shënojnë së paku një gol.

Uellsianët do të përballen me Copenhagenin në raundin tjetër, dnërsa Feronikeli e mëson kundërshtarin nesër (e mërkurë). /Telegrafi/