Femrat që flenë më pak se shtatë orë në natë kanë rrezik më të madh për zhvillimin e sëmundjes kronike
Femrat që flenë më pak se shtatë orë në natë rrezikojnë një diagnozë të diabetit të tipit 2, pohon një studim. Efektet ishin më të forta te gratë që kishin kaluar në menopauzë.
Shkencëtarët amerikanë zbuluan se humbja e vetëm 90 minutave gjumë çdo natë dhe për rrjedhojë mosmbyllja e mjaftueshme e syve, te femrat rrit rezistencën ndaj insulinës (kur qelizat nuk i përgjigjen siç duhet insulinës që trupi prodhon – hormonit që rregullon sheqerin në gjak).
Gjatë jetëgjatësisë së tyre, gratë përballen me shumë ndryshime në shprehitë e tyre të gjumit për shkak të lindjes së fëmijëve, rritjes së fëmijëve dhe menopauzës. Dhe më shumë gra sesa burra kanë perceptimin se nuk po flenë mjaftueshëm”.
“Për një periudhë më të gjatë kohore, stresi i vazhdueshëm në qelizat që prodhojnë insulinë mund të shkaktojë dështimin e tyre, duke çuar përfundimisht në diabetin e tipit 2”, është shprehur autorja kryesore e studimit, profesoresha Marie-Pierre St-Onge nga Universiteti Columbia.
Gjetjet janë të parat që tregojnë se një deficit i lehtë i gjumit për vetëm gjashtë javë, shkakton ndryshime në trup që rrisin rrezikun e zhvillimit të kësaj sëmundjeje.
Diabeti ndodh kur trupi nuk e përdor siç duhet insulinën ose nuk e prodhon atë, duke e lënë glukozën të rritet në gjak në nivele të rrezikshme. Mund të jetë vdekjeprurëse ose të shkaktojë dëmtim të organeve nëse nuk trajtohet. Diabeti është një gjendje, e cila bën që niveli i sheqerit në gjak të një personi të rritet shumë.
NHS rekomandon të vizitoni një mjek nëse përjetoni simptomat kryesore të diabetit, të cilat përfshijnë:
shumë etje
urinim më të shpeshtë se zakonisht, veçanërisht gjatë natës
lodhje
humbje peshe dhe humbje e masës së muskujve
kruajtje rreth penisit ose vaginës
shikim i turbullt
Shumë njerëz kanë diabet të tipit 2 për vite pa e kuptuar, sepse simptomat e hershme priren të jenë të përgjithshme ose nuk ka simptoma.
Studimet e mëparshme zbuluan se periudha të shkurtra të privimit total të gjumit mund ta dëmtojnë aftësinë e trupit për të shpërbërë sheqerin. Studimi i fundit, i botuar në Diabetes Care, shqyrtoi efektet e përvojës më të zakonshme të mungesës së lehtë të gjumit për një periudhë më të gjatë kohore.
Studiuesit analizuan 38 femra të shëndetshme, duke përfshirë 11 gra pas menopauzës, të cilat në mënyrë rutinore flinin të paktën shtatë orë e gjysmë çdo natë.
Më pas pjesëmarrëseve iu kërkua ta shkurtonin gjumin e natës në rreth gjashtë orë për gjashtë javë, duke e shtyrë kohën e fjetjes për 90 minuta, por duke e mbajtur të njëjtën kohë të zgjimit. Gratë u monitoruan me pajisje të vendosura dhe studiuesit matën insulinën, glukozën dhe yndyrën e tyre trupore.
Studimi zbuloi se shkurtimi i gjumit rriti nivelet e insulinës me mbi 12 për qind në përgjithësi dhe me më shumë se 15 për qind në mesin e femrave para menopauzës. Rezistenca ndaj insulinës u rrit me gati 15 për qind në përgjithësi dhe me më shumë se 20 për qind në mesin e grave pas menopauzës.
“Fakti që ne pamë këto rezultate pavarësisht nga çdo ndryshim në yndyrën e trupit, i cili është një faktor i njohur rreziku për diabetin e tipit 2, flet për ndikimin e reduktimit të lehtë të gjumit në qelizat që prodhojnë insulinë dhe metabolizmin”, ka shtuar Dr Marie-Pierre.
Më shumë kërkime nevojiten për të përcaktuar nëse fjetja e rekomanduar (nga shtatë deri në nëntë orë në natë) mund të ndihmojë në përmirësimin e niveleve të sheqerit në gjak dhe të zvogëlojë rrezikun për diabetin e tipit 2. /Telegrafi/
Lufta Prigozhin - Putin
Më shumë13 situata në të cilat vazelina është e domosdoshme: Nuk e keni idenë sa është efikase
Si ndryshon trupi i gruas pas humbjes së virgjërisë
Zhdukni rrudhat me këtë metodë të cilën e rekomandon ekspertja
Qindra emra shqiptarë dhe ilirë për fëmijën tuaj
Gjakderdhjet gjatë shtatzënisë, shkaktarët dhe rreziqet
Java e 15-të e shtatzënisë: Barku juaj tashmë po merr formë dhe bebja juaj po argëtohet në lëngun amniotik
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur