Faruk Statovci zbulon pengun më të madh në karrierën e tij si lojtar

Faruk Statovci ka qenë mysafiri i radhës në Podcastin e Telegrafi Sport.

Ish-futbollisti i njohur kosovar dhe tanimë në rolin e trajnerit dhe analistit të futbollit ka folur për shumë gjëra rreth karrierës së tij.

Mes tjerash, Statovic ka zbuluar edhe për pengun e madh që e kishte sa ishte futbollit.

“Pas luftës kur kam qenë në Besianë, ka qenë Ahmet Kurtolli në Prishtinë dhe në atë kohë i kanë pasë zyret tek ish-ndërtesa e Rilindjes skova të bisedoja me të”, ka deklaruar fillimisht Statovci në Podcastin e Telegrafi Sport.

“Ahmet ishte me Driton Potokun dhe filloi të më thoshte se duhet të shkoja te Prishtina, se Prishtina është emër”.

“Por, unë i thash që aktualisht kam nevojë për para, sepse e di që Prishtina është emër i madh (si klub), pasi nuk kisha ku të flejë”.

“Më tutje i thash: ‘Me gjithë respektin për Prishtinën, por unë kam nevojë për para dhe jo për emër, sepse nuk kam tu të fle, kam nevojë ta ndërtoj shtëpinë’”.

“Nuk arritëm një marrëveshje me Prishtinën, edhe pse më ofruan një shumë të parave, por klubet tjera më ofruan shuma më të mëdha”.

“Por, a do ishte mirë të isha pjesë e Prishtinës, natyrisht se do të ishte mirë. Ky është pengu i karrierës, pasi i kisha mundësitë, por ju tregova për rrethanat”.

“Do të kisha shumë dëshirë të isha pjesë e Prishtinës, pasi është klub i madh, por që nuk është bërë”, ka thënë mes tjerash Statovci. /Telegrafi/