Eurodeputeti Lukas Mandl ka vlerësuar se liderët në Serbi kanë bërë gabim që nuk i janë bashkuar sanksioneve kundër Rusisë.
Gjatë një interviste për mediumin serb “Danas”, Mandl – që është deputet nga Austria dhe është anëtar i delegacionit të PE për marrëdhëniet me Kosovën – ka folur edhe rreth dialogut Kosovë-Serbi, përcjell Telegrafi.
“Meqenëse liderët serbë bënë gabimin që nuk iu bashkuan mbrojtjes “pa gjak” kundër një sulmi të përgjakshëm lufte – pra sanksioneve (kundër Rusisë) – dhe në këtë drejtim zgjodhën anën e gabuar për një çështje shumë më të gjerë, e gjithë bota ndjeu se ka pasur një problem në vendin tuaj, i cili ka vazhduar për shumë më gjatë. Kjo është arsyeja pse shumë tani po e ndjekin me vëmendje sjelljen e shtetit të Serbisë dhe kjo në mënyrë indirekte tërheq vëmendjen ndaj qëndrimit të papranueshëm (Serbisë) ndaj Kosovës, i cili po vazhdon për shumë vite”, ka shpjeguar Mandl.
Ai është pyetur edhe se “si e sheh rrjedhën aktuale të dialogut ndërmjet Beogradit dhe Prishtinës – a jemi pranë shansit për arritjen e ndonjë marrëveshjeje, dhe eventualisht “njohjen reciproke”, që kërkohet në rezolutën e PE”.
Lidhur me këtë ai ka thënë se do ta quante “dialog mes Kosovës dhe Serbisë”, për shkak se siç ka theksuar ai “qytetet nuk bisedojnë me njëri-tjetrin, por shtetet”.
Dhe sipas tij, do të arrihet edhe njohja reciproke.
“Kur dialogu Kosovë-Serbi të kontribuojë në këtë qëllim, kuptimi i kësaj do të realizohet”, ka thënë më tej Mandl.
Ndërsa i pyetur rreth asaj se cilat janë kundërshtimet e tij ndaj qëndrimit aktual të autoriteteve serbe ndaj Kosovës, Mandl ka vlerësuar se “gjithçka është shumë problematike kur aktivitetin tënd e bazon me pretendimin se shteti fqinj nuk është shtet, por madje i përket tokës tënde”.
“… Prandaj le të fokusohemi në një të ardhme të ndritur me mundësi të mëdha për gjeneratat e ardhshme në Serbi dhe në të gjithë Ballkanin Perëndimor, e cila vjen kur të kapërcejmë konfuzionin aktual. Ky konfuzion përfshin shumë më tepër sesa çështjen e dukshme të njohjes me kohë të Republikës së Kosovës, përfshin gjithashtu çështje nga krimi i organizuar deri te standardet demokratike, nga varësia nga Kina apo edhe nga Rusia, te demografia apo kujtesa kolektive e historisë”. /Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit