I dërguari special të Shteteve të Bashkuara për Ballkanin Perëndimor, Gabriel Escobar, ka thënë se situata në të cilën ndodhet Ukraina na mëson se duhet të dyfishojmë përpjekjet tona për të arritur një marrëveshje kompromisi ndërmjet Kosovës dhe Serbisë.
Ambasada e SHBA-së në Beograd ka publikuar një deklaratë të emisarit amerikan për Ballkanin Perëndimor, Gabriel Escobar, në të cilën ai flet për agresionin rus në Ukrainë.
“Lufta e Rusisë kundër Ukrainës ka ndryshuar botën dhe mbështetja e madhe për Ukrainën në ditët e fundit është impresionuese. Ne i bashkohemi thirrjes ndërkombëtare për të gjitha vendet, veçanërisht atyre në Evropë, për të mbështetur të drejtën ndërkombëtare dhe dhe ta refuzojnë pa mëdyshje pushtimin e paligjshëm që Rusia e kreu në Ukrainë, fqinjin e saj. Vendet e Ballkanit Perëndimor e kanë dëgjuar këtë thirrje. Unë i falënderoj ata që qëndrojnë fort pranë Bashkimit Evropian dhe botës së lire”, ka thënë Escobar.
Ai ka thënë se Rusisë duhet t’i kërkohet llogari kurse Ukrainën duhet ndihmuar t’i dëbojë forcat pushtuese ruse përpara se të ketë edhe më shumë mizori dhe konflikti të destabilizojë Evropën edhe më shumë.
“Veprimet e koordinuara nga aleatët dhe partnerët rritën shpejt presionin mbi Vladimir Putin. Forcat ukrainase po ngadalësojnë pushtimin rus dhe po i shkaktojnë ushtrisë ruse viktima të konsiderueshme. Sanksionet tona e kanë përjashtuar Rusinë nga sistemi financiar global dhe ekonomia e Rusisë ka filluar të ngadalësohet”, thotë Escobar, transmeton Telegrafi.
Escobar thotë se “agresioni i Putinit ndaj Ukrainës do t’i kushtojë shtrenjtë Rusisë, si ekonomikisht ashtu edhe strategjikisht”.
“Populli rus meriton më mirë se qeveria e tij, e jo çmimin e lartë që do të duhet të paguajë në të ardhmen për shkak të këtij pushtimi. Kur të shkruhet historia e kësaj kohe, do të shihet se zgjedhja e Putinit për të kryer këtë sulm të paramenduar të paprovokuar dhe të padrejtë vetëm sa e bashkoi edhe më shumë Perëndimin dhe e dobësoi Rusinë në mënyrë eksponenciale”.
“Popujt e këtij rajoni e dinë shumë mirë se sa shkatërrues është konflikti i luftës. Nuk duhet të lejojmë Rusinë të shfrytëzojë luftën që vetë e ka zgjedhur për të penguar përparimin e vendeve të Ballkanit Perëndimor. Rusia nuk udhëhiqet nga interesat më të mira të këtyre vendeve. Ekonomitë tuaja janë të lidhura me Evropën. Partnerët dhe investitorët tuaj më të mëdhenj tregtarë janë në Bashkimin Evropian. Dhe e ardhmja juaj është të jeni në Evropë si një anëtar i plotë i Bashkimit Evropian”, ka thënë emisari amerikan.
Ai thotë se në Ballkanin Perëndimor ke ende shumë për t’u bërë- në integrimin ekonomik të rajonit, në kompromise të qëndrueshme dhe zgjidhje të qëndrueshme për çështjet e pazgjidhura kufitare.
“Le të shërbejë kjo krizë për të siguruar që brezat e ardhshëm këtu në Ballkanin Perëndimor të jetojnë në vende që janë plotësisht të integruara në Bashkimin Evropian, në një Evropë të tërë, të lirë dhe paqësore. Shtetet e Bashkuara duan të jenë partneri juaj në këtë përpjekje. Situata në të cilën ndodhet Ukraina na mëson se duhet të dyfishojmë përpjekjet tona për të arritur një marrëveshje kompromisi ndërmjet Kosovës dhe Serbisë dhe të ndalojmë aktivitetet që kërcënojnë stabilitetin dhe përparimin në Bosnje dhe Hercegovinë”, ka thënë Escobar.
“Liria, demokracia dhe dinjiteti njerëzor janë forca shumë më të fuqishme sesa frika dhe represioni. Në luftën midis demokracisë dhe autokracisë, midis sovranitetit dhe bindjes, mos keni dyshim: Liria do të fitojë. Evropa dhe Ballkani Perëndimor do të dalin edhe më të fortë”, ka thënë emisari amerikan. /Telegrafi/
Promo
Reklamo këtuLufta Prigozhin - Putin
Më shumëPasuria e profesorit të suspenduar Xhevat Krasniqi: Mbi 160 mijë euro para të gatshme, 150 mijë euro pasuri të paluajtshme
Presidenca i reagon ashpër Pacollit pasi e quajti provokim veprimin e Osmanit me të mbijetuarat e luftës gjatë seancës në KS të OKB-së
Shtatë ish-anëtarë të grupit “Çakallët” dënohen për krime ndaj shqiptarëve të Kosovës
"Serbia po frikëson dhe shantazhon qytetarët e Kosovës"- Qeveria shpalos detaje tjera nga biseda telefonike Kurti-Macron
Pas vizitës në selinë e NATO-s, gjenerali Ulutash: Vetëm zgjidhje politike mes Kosovës e Serbisë
Gazetari britanik tregon nëse mund të ketë luftë në Kosovë dhe Bosnjë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert