LAJMI I FUNDIT:

Erërat e forta shkaktojnë dëme materiale në Ferizaj

Erërat e forta shkaktojnë dëme materiale në Ferizaj

Rreshjet e dendura të shiut dhe erërat e forta që kanë mbizotëruar të shtunën, kanë shkaktuar dëme materiale në qytetin e Ferizajt.

Në fotografitë e publikuara në Facebook nga faqja “Meteo Kosova”, shihen dëmet që janë shkaktuar atje si pasojë e motit të ligë.

Ndërkohë, Instituti Hidrometeorologjik i Kosovës ka paralajmëruar se të shtunën do të mbajë mot me vranësira, të cilat gjatë ditës parashihen të shoqërohen me reshje shiu në vende-vende dhe me shkarkime rrufesh.

“Temperaturat do të shënojnë rritje sidomos në vlerat e minimaleve, derisa ato maksimalet priten të jenë tipike pranverore. Gjithashtu edhe presioni atmosferik do të ulet dukshëm nën vlerat e normales”, thuhet në njoftimin e IHMK-së.

Ndërkaq, Instituti për të dielën ka parashikuar se do të mbajë mot kryesisht i vranët, por nuk do të mungojnë edhe intervalet me diell.

“Vranësirat vende-vende parashihen të sjellin riga shiu. Në fushat termike  nuk do të ketë ndryshime kryesisht në vlerat e temperaturave maksimale, ndërsa minimale do të shënojnë ulje për 3-5 gradë Celsius”, thuhet tutje./Telegrafi/