Për këdo që i duhet të nisë ditën para agut, sheh në rrugët e qyteteve, gra e vajza që nxitojnë për në vendet e punës, kryesisht pranë ndonjë fasonerie.
Janë çuar rreth orës 4-5:00 të mëngjesit për të nisur edhe njëherë sfilitjen e një ditë të gjatë.
Diku në një qoshk, pagëzuar me emrin Omonia, me gjasë term i importuar nga emigrimi, sheh grumbuj burrash të mrrudhur. Një lopatë a kazmë në dorë. Në tjetrën, një trastë të vogël ku vështirë të gjesh gjësend, veç një çape bukë e qepë.
Lajmet e atdheut mbështjellin me copa gazetash atë fetë buke nën titujt pompozë për rritje ekonomike.
Shëndetligj, të rreckosur e shikimhumbur në pritje të dikujt që mund t’i duhen krahët e dobët të tyre me duart e zhubrosura si harta e një bote lotmadhe.
Në këmbim të bukës së përditshme për gojët e shtëpisë, të fëmijëve a familjarëve të pamundur, brenda mureve që mbajnë gjithëfarëlloj dramash.
Atëherë kur birbot e politikës së madhe, të egos dhe luksit, ende gërhasin parajsën e gjumit të thellë me ëndrra plot arritje, shqiptarët, si nga epika e yjeve të mëngjeseve (titulli i një pikture të Edison Gjergos për të cilën autori u burgos) numërojnë venitjen e shpresës për gjetjen e një pune.
Numërojnë kohën tek thërrmohet në mijëra copash.
Burrat dhe gratë e mëngjeseve takohen diku. Në pikën e pafuqisë për të reaguar ndaj shfrytëzimit dhe pagës mizerabël.
Takohen te braktisja e atij rregullatori që quhet shtet. Që duhet të ishte dalëzotës i shtetasve të vet, për të pambrojturit, të shtypurit.
Takohen përballë deledashëve që drejtojnë shtetin, nën kërcënimin se nëse ata protestojnë ndaj kushteve dhe pagave, zëvendësohen lehtësisht me bangladeshas.
Ata dhe mijëra të tjerë takohen si skllevërit e babëzisë së një grushti padronësh që ndajnë të mirën publike në mënyra mafioze me padronët e Atdheut në zyrat e shtetit.
Shpesh, shumë shpesh, trasta e vogël me bukë kthehet në shtëpi. Si një kafshatë e pamerituar e një dite të papunë.
Koha për një delirium tremens, për një dridhje e shkundje si pas varësisë ndaj drogës, trokëllin në portat e mëdha të egos sonë të vogël, të hutuar në kllapi.
Ndërkohë që shkruaj, kërkohet prej ditësh një tjetër minator nën gërmadhat e minierës së Bulqizës.
Toka jonë, kjo gërmadhë e pasur, ngjan me një revolucioni që ha bijtë e vet.
Një pakicë grykësie shkel nga sipër saj pjesën tjetër, të amshuar nën gërmadha.
Lufta Prigozhin - Putin
Më shumë"Unë thjeshtë dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj
Arabia Saudite merr pjesë për herë të parë në "Miss Universe", bukuroshja Rumy Alqahtani do t'i përfaqësojë në garën e bukurisë
Një i vrarë dhe një i plagosur me armë zjarri në Prishtinë
Zbulohet se sa do të jetë "kostoja ditore" nga shembja e urës në Baltimore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes