Enrique: Qëllimi im është ta bind Busquetsin të luajë në Botërorin e vitit 2026

Luis Enrique ditën e djeshme ka publikuar listën me 26 futbollistët e ftuar për Kampionatin Botëror ‘Katar 2022’.

Në Spanjë ka pasur polemika të mëdha për lënien jashtë të yjeve si Thiago Alcantara, David de Gea e Sergio Ramos.

Megjithatë Enrique e quajti vetën trajnerin më të mirë në histori dhe tha se ato janë vendimet e tij që do t’i mbrojë.

Por trajneri i Spanjës foli edhe për kapitenin e Kombëtares, mesfushorin Sergio Busquets i cili do të luaj në një tjetër botëror, i katërti për anëtarin e Barcelonës.

Enrique e ka krahasuar Busquetsin me njërin nga tenistët më të mirë në histori, Rafael Nadal, duke thënë se Busquets është numri një në botë për pozitën e tij.

“Qëllimi im është të bind Busin të luajë një Botëror tjetër. Ai është si Nadali. A ka dyshim se ka qenë më i miri në histori? Nëse bëjmë një renditje në çfarë pozicioni do ta vendoste Nadal?”.

“Nëse loja jonë është ajo që duam të shprehim, që është të qëndrojmë në gjysmën e kundërshtarit dhe të mbajë më shumë nga të tjerët posedimin e topit, Busquets bëhet numri një”, tha trajneri spanjoll për mesfushorin katalunas.

Busquets në fund të sezonit do të largohet nga Evropa, pasi karrierën pritet ta vazhdoj në MLS me Inter Miamin.

Mbetet të shihet nëse në vitin 2026 mesfushori katalunas do të jetë ende aktiv në futboll dhe nëse do të ftohet nga Spanja. /Telegrafi/