“Emmy Awards 2020”: Çfarë duhet të dini për natën e madhe të televizionit?

Derisa edicioni i 72-të i “Emmy Awards” veç sa po afrohet, nuk është sekret që shfaqja e këtij viti do të jetë historikisht e ndryshme nga çdo transmetim i mëparshëm i natës më të madhe të televizionit.

Falë pandemisë së coronavirusit, “Emmy Awards 2020” do të heqë dorë nga përvoja zyrtare e teatrit, në të cilën yjet e shfaqjeve të preferuara televizive të të gjithëve mblidhen në një vend për të festuar vitin.

Si rezultat, fansat e ‘Emmy Awards’ ka të ngjarë të kenë më shumë pyetje në shfaqjen e këtij viti sesa në çdo vit të mëparshëm.

Më poshtë është një përmbledhje e gjithçkaje që njerëzit duhet të dinë para se të shohin këtë shfaqje:

Kur do të mbahet ‘Emmy Awards’?

Evenimenti do të transmetohet drejtpërdrejt të dielën, 20 shtator në orën 8 pasdite. Ndërkohë, ‘Creative Arts Emmys’ do të transmetohen gjatë pesë netëve përpara shfaqjes të së dielës, duke dhënë dhjetëra çmime jashtë kategorive të mëdha që zakonisht janë të rezervuara për transmetimin kryesor.

Ku mund të shikoj shfaqjen e ‘Emmy’?

Shfaqja do të transmetohet në ABC. Ata që duan të shikojnë do të duhet të kontrollojnë ofruesit e tyre lokal të kabllove ose të identifikohen me informacionin e tyre, kabllorin në internet për të parë transmetimin e drejtpërdrejtë.

A do të ketë një tapet të kuq?

Për shkak të pandemisë, spektakli i modës dhe intervistave të famshme gjatë këtij viti nuk do të ndodhë. Në vend të kësaj, secili nga të nominuarit dhe prezantuesit pritet të shfaqet virtualisht në një përpjekje për të shmangur një tubim të madh. Si rezultat, yjet nuk do të shfaqen në Teatrin Microsoft në qendër të Los Angeles të veshur për të ecur në tapetin e kuq para se të zënë vendin e tyre.

Kjo nuk do të thotë që shikuesve nuk do t’u ofrohet një argëtim para shfaqjes. Sipas Los Angeles Times, rrjeti do të ofrojë një shfaqje 90-minutëshe të drejtpërdrejtë të numërimit në kanalin e lajmeve ‘ABC News Live’ që tregon gjithçka për ceremoninë.

Kush do të prezantojë?

Jimmy Kimmel, është prezantuesi i cili do të organizojë mbrëmjen.

“Ne e dimë që Jimmy Kimmel do të mbajë një shfaqje unike argëtuese, qesharake dhe prekëse të Emmy Awards”, tha Karey Burke, president i ABC Entertainment, në njoftim.

“Ai është një mjeshtër i vërtetë i ceremonive që respekton këtë industri dhe njerëzit e saj; dhe ashtu si Jimmy ka bërë me shfaqjen e tij gjatë muajve të fundit, ai do të trajtojë këtë ngjarje të rëndësishme me zemër dhe humor dhe do të sjellë një gëzim shumë të nevojshëm dhe optimizëm për kolegët dhe shikuesit tanë të televizionit në shtëpi”.

Sipas Variety, Kimmel do të drejtojë shfaqjen nga një skenë në Staples Center, ku nuk do të ketë publik. Skena do të shërbejë si qendra kryesore për Kimmel ndërsa prezantuesit dhe fituesit japin komentet e tyre nga shtëpia.

Kush është i nominuar për një ‘Emmy’ në vitin 2020?

Të gjithë sytë këtë vit janë drejtuar nga “Watchmen” i HBO, i cili mori më shumë nominime nga çdo shfaqje këtë vit me gjithsej 26. Ndërkohë, Netflix vendosi rekordin për më shumë nominime për një rrjet të vetëm në 160.

Të famshëm si Jennifer Aniston, Regina King, Catherine O’Hara, Hugh Jackman, Ted Danson, Sterling K. Brown dhe shumë të tjerë mund të fitonin një çmim për punën e tyre në shfaqje si “The Good Place”, “Schitt’s Creek”, “The Marvelous Mrs. Maisel” dhe “The Morning Show”. /Telegrafi/