Eksperti i kriminalistikës, Mensut Ademi, ka thënë se Serbia po tenton që në veri të Kosovës ta luajë viktimën dhe si e tillë të paraqitet para faktorit ndërkombëtar.
Ai në RTV Dukagjini, tha se serbët në veri po tentojnë që përmes provokimeve ndaj Policisë së Kosovës, të rriten tensionet në atë pjesë të vendit.
Ademi tha se Policia e Kosovës, e ka për detyrë të veprojë sipas rregullave që ia cakton ligji.
“Përdorimi i dhunës në këtë rast ndryshon sepse ata po përdorin metoda të një ndërhyrje civile ndaj institucioneve të armatosura, ata duan ta luajnë viktimën, të dalin para ndërkombëtarëve si viktima dhe Kosova është agresori. Po mundohen ta kopjojnë aktivitetet dhe strategjinë e viteve 80 dhe 90-ta kur kemi arrit të bëhemi shtet, por me të vërtetë Serbia atëherë ka qenë agresori”, tha ai.
Ademi theksoi që përmes veprimeve civile, përmes pjesëtarëve jo të uniformuar Serbia po tenton të kryej akte që i rrisin tensionet.
Disa fletushka të një organizate të re “Mbrojtja Popullore” janë shpërndarë të hënën në veri të vendit, në të cilat janë dhënë udhëzime për “t’iu kundërvënë Policisë së Kosovës dhe administratës komunale”.
Lidhur me këtë, Policia e Kosovës ka hapur rast për thirrje për rezistencë.
Fletushkat me udhëzime të detajuara për serbët janë zbuluar në mbrëmje pas protestës së pensionistëve të zhvilluar në veri të vendit gjatë ditës së hënë.
Zëvendësdrejtori i Policisë në veri, Veton Elshani, ka konfirmuar se hetimi është hapur pasi broshurat janë shpërndarë gjatë dhe pas protestës, dhe se ende nuk ka të dyshuar ose të arrestuar.
Elshani ka thënë se lidhur me këtë situatë nuk ka ndonjë të arrestuar apo të dyshimtë, derisa ka theksuar se këto zhvillime po i marrin me seriozitet.
“Informacionet e para që ne i kemi është se pas protestës e cila është zhvilluar dje, ka pasur shpërndarje të këtyre fletushkave nëpër hyrje të ndërtesave, mirëpo ato kanë qenë si thirrje për rezistencë, nxitje të urrejtjes, kështu janë hapur rastet, por nuk kemi të arrestuar dhe të dyshimtë për momentin, edhe pse jemi duke punuar për ndriçim të rastit. Nuk janë hiç shqetësuese deri nuk i shohim këto në praktikë duke u vepruar, nuk janë shumë shqetësuese për ne. Mirëpo, i marrim me seriozitet. Krejt të vogla janë këto”, ka thënë Elshani.
Ai ka treguar se lidhur me rastin janë njoftuar Prokuroria Themelore në Mitrovicë, Prokuroria Speciale dhe KFOR-i.
Lufta Prigozhin - Putin
Më shumëKSHZ publikon rezultatet e para përfundimtare, ky është numri i deputetëve të partive në Kuvend
Këto pritet të jenë ulëset e partive në Kuvend për katër vitet e ardhshme
Fatmir Bytyqi jep dorëheqje, kërkon dorëheqje edhe nga kryesia e LSDM-së
Ahmeti: OBRM-PDUKM-ja e ka ndihmuar VLEN-in, ne kemi siguruar 19 mandate
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Vuçiq uron Gordana Siljanovska-Davkovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend