Edhe pse nuk do ta luajë më piratin, Depp vishet si Jack Sparrow dhe i viziton fëmijët e sëmurë me kancer

Johnny Depp ka bërë një vizitë befasuese në Institut Curie në Paris, i veshur si njëri prej karakterëve më të famshëm që ka luajtur, kapiteni Jack Sparrow.

Ai nuk do ta luajë më këtë rol në vazhdimet e radhës së “Pirates of the Caribbean”, mirëpo kjo nuk e ka penguar që të veshë kostumin dhe t’u ofrojë gëzim dhe lumturi fëmijëve të sëmurë.

Thanks to #JohnnyDepp who came as Jack Sparrow to see sick children and to talk about cancer research at @institut_curie in the SIREDO pediatric center pic.twitter.com/Alh9JEXH8O

— Olivier (@OSaulnier_) December 27, 2018

“Vizita befasuese e Jack Sparrow. Pirati më i famshëm për fëmijët dhe të rinjtë në shërbimin tonë… Falënderim i madh për Johnny Deppin për kohën e tij, afërsinë dhe energjinë”, kanë shkruar në faqen e institutit në Twitter.

Visite surprise de Jack Sparrow 👀 le plus célèbre des pirates aux enfants & ados de notre service de #pédiatrie ! Un cadeau 🎁 qui a fait la joie des patients, familles, soignants, médecins et chercheurs. Immense merci à Johnny Depp pour son temps, son réconfort & son énergie ❤️ pic.twitter.com/4PyUrmJUno

— Institut Curie (@institut_curie) December 27, 2018

Instituti Curie, i cili është i specializuar në hulumtimet dhe trajtimet e kancerit, është qendër referimi për shumë kancerë pediatrikë.

Lexo po ashtu Lajmet për Johnny Depp

Çdo vit, më shumë se 400 pacientë të rinj trajtohen nga ekipi i atjeshëm shumëdisiplinorë që ofron metoda të veçanta të kujdesit dhe mjekimit të kancerit.

Johnny Depp njihet si një filantrop i madh, ndërsa jep donacione të rregullta për organizata të shumta bamirëse.

Actor Johnny Depp visited the Institut Curie to spend time with pediatric cancer patients dressed as his character from the 'Pirates of the Caribbean' films.https://t.co/jhX0B4kJqn pic.twitter.com/9eJJkDjHCz

— Circa (@Circa) December 28, 2018

Kujtojmë që në muajin tetor u njoftua se Depp është larguar nga “Pirates of the Caribbean” pas pesë filmave të realizuar, ndërsa tashmë ky lajm është konfirmuar.

Nga Disney kanë thënë se duan të sjellin energji të re në filmat shumë të pëlqyer.

Gjatë 14 viteve janë xhiruar pesë filma për Piratët e Karaibeve, në të cilët Depp e ka luajtur rolin e kapitenit Jack Sparrow, ndërsa filmi i fundit nga kjo franshizë ka qenë “Dead Men Tell No Tales” (2017). /Telegrafi/