Kryeministrja britanike, Theresa May nuk do të marrë pjesë në forumin ekonomik botëror të Daovsit, që zhvillohet nga 21 deri në 25 shkurt në Zvicër, për t’iu dedikuar Brexit, njoftoi sot një zëdhënëse e qeverisë.
“Ajo nuk do të shkojë në Davos”, njoftoi zëdhënësja gjatë një konference për shtyp.
“Ajo do të përqendrohet në dosjet këtu”, theksoi ajo, ndërkohë që May është e angazhuar në një diskutim për t’u përpjekur të nxjerrë Brexit nga ngërçi.
Ndryshe, deputetët britanikë kanë votuar kundër marrëveshjes së kryeministres Theresa May për shkëputjen nga Bashkimi Evropian.
Vota më domethënëse ndonjëherë është zhvilluar në orët e vona të ditës së martë, pas një debati disa orësh rreth marrëveshjes për “Brexit”.
Një vendim i tillë ka ardhur edhe pse May u kishte bërë thirrje të gjithë politikanëve ta mbështesin marrëveshjen e saj.
Ndërsa një ditë më pas kryeministrja britanike Theresa May i ka mbijetuar një vote të mosbesimit në Parlamentin britanik. /Telegrafi/
