Roger Ibanez është njëri nga mbrojtësit më të vlerësuar këtë edicion në Serie A.

Qendërmbrojtësi brazilian ka shkëlqyer me fanellën e Romës, duke rritur ndjeshëm çmimin e tij.

22-vjeçari iu bashkua Romës si huazim nga Atalanta, por kryeqytetasit kanë aktivizuar klauzolën për blerjen e tij për tetë milionë euro.

Ibanez kishte kontratë me Romën deri në vitin 2023, por që Giallorosët i kanë vazhduar kontratën edhe për dy vite të tjera.

Kësisoj Ibanez ka nënshkruar kontratë të re me Romën, kontratë e cila do ta mbajë atë në kryeqytetin italian deri në verën e vitit 2025.

“Jam shumë i nderuar që do të jem pjesë e Romës edhe për katër vite tjera. Kam punuar shumë dhe mendoj se kam merituar këtë shpërblim. Do të jap gjithçka nga vetja për fanellën e këtij ekipi”, ka thënë Ibanez.

Po shkëlqen me Romën, PSG dhe Liverpool synojnë transferimin e mbrojtësit qendror Po shkëlqen me Romën, PSG dhe Liverpool synojnë transferimin e mbrojtësit qendror

Roma e blindoi mbrojtësin pasi falë paraqitjeve të mira ai ishte në listën e dëshirave të dy gjigantëve evropianë si Paris Saint Germain dhe Liverpool.

Gjithsesi duket se braziliani nuk do të largohet nga kryeqyteti italian, pasi me kontratën e re atij i është ngritur ndjeshëm edhe paga. /Telegrafi/