Dunga konfirmon kalimin e Alves te Juve

Bekimi i marrë nga Carlos Dunga ngjan më shumë si një zyrtarizim për transferimin e Dani Alves te Juventusi.

Pas largimit nga Barcelona mbrojtësi i kombëtares braziliane nuk ka bërë ende publike emrin e skuadrës ku do të luajë sezonin e ardhshëm, edhe pse të gjitha rrugët e çojnë atë te Zonja e Vjetër.

Në mediat italiane prej kohësh qarkullojnë lajmet se 33-vjeçari ka arritur marrëveshjen me klubin bardhezi dhe në fshehtësi të plotë, madje ka firmosur edhe kontratën që do ta lidhë me kampionët e Italisë për dy sezonet e ardhshme.

Lexo më shumë: Lajmet e fundit nga Transferimet 

Për ta bërë akoma edhe më të sigurt transferimin e Dani Alvesit në Torino ka menduar trajneri i Selecaos, Carlos Dunga i cili në konferencën për shtyp përpara ndeshjes ndaj Perusë, theksoi se 33-vjecari do të bëjë shumë mirë në aventurën e tij te Juventusi që është një skuadër e madhe, transmeton SS.

Momentalisht Dani Alves është i angazhuar me Brazilin në Kupën e Amerikës ku do të synojë ti shtojë palmaresit të tij një tjetër trofe pas sukseseve të shumta të arritura me Barcelonën gjatë 8 viteve që qëndroi në Camp Nou.

Menjëherë pas përfundimit të Copa America Centenario, mbrojtësi i krahut të djathtë do të fillojë të mendojë për Juventusin dhe për Serinë A italiane ku objektiv parësor do të ketë fitimin e një tjetër Championsi me skuadrën bardhezi.