LAJMI I FUNDIT:

Duke përdorur këta përbërës natyralë, bimët në shtëpinë tuaj do të rriten më shpejt

Duke përdorur këta përbërës natyralë, bimët në shtëpinë tuaj do të rriten më shpejt
(Foto: Pexels)

Në mënyrë që bimët e shtëpisë të duken bukur dhe ta dekorojnë hapësirën, duhet të kujdeseni rregullisht për to. Kjo nuk është gjithmonë e lehtë, sepse na duket se me gjithë kujdesin tonë, ato sërish ngecin.

Nëse dëshironi që bimët e brendshme të rriten më shpejt, rritja e tyre mund të përshpejtohet duke i ujitur me solucione ose mbetje natyrale.

Nuk keni fat, nuk keni para, nuk ju ec në punë? Lulen që duhet ta largoni menjëherë nga shtëpia
Lexo po ashtu Nuk keni fat, nuk keni para, nuk ju ec në punë? Lulen që duhet ta largoni menjëherë nga shtëpia

Lëvozhga e vezës

Zakonisht i hedhim lëvozhgat e vezëve, por në fakt mund t’i përdorim ato si pleh natyral për bimët e shtëpisë. Lëvoret përmbajnë shumë kalcium dhe parandalojnë kalbjen e rrënjëve. Mbajini lëvozhgat në ujë për pesë deri në gjashtë ditë, pastaj shtoni në dheun e bimës.

Përveç kësaj, ujin në të cilin e keni mbajtur lëvozhgën, mund ta përdorni edhe për lule. Përzieni ujin e rrjedhshëm me ujin në të cilin keni mbajtur lëvozhgën e vezës në raport 5:1 dhe ujitni bimët me të.

Uji nga zierja e vezëve

Pas zierjes së vezëve, kurseni ujin për ujitje të luleve, sepse është plot kalcium, nga i cili përfitojnë bimët.

Natyrisht, para se t’i ujitni bimët, lëreni ujin të ftohet plotësisht.

Bimët që bëjnë mrekulli për shëndetin dhe mirëqenien
Lexo po ashtu Bimët që bëjnë mrekulli për shëndetin dhe mirëqenien

Llumi i kafesë

Kur pini kafe, në vend që ta hidhni llumin, ushqeni bimët me të. Ekspertët thonë se ky është një pleh natyral i shkëlqyeshëm për bimët, sepse përmban tre komponentë shumë të rëndësishëm që u nevojiten – azot, kalium dhe fosfor.

Nëse e shtoni këtë mbetje në dhe, bima do të rritet më shpejt dhe do të jetë më e dendur. /Telegrafi/