Nga: Sabri Hamiti
Me Át Zef Pllumit u njohëm në Tiranë e Shkodër atëherë kur rinisi botimin e “Hyllit të Dritës”, e duke folur për Gjergj Fishtën edhe u bëmë miq. Miqësia me të është po aq e shtrenjtë sa miqësia me Lasgush Poradecin, Eqrem Çabejn, Anton Pashkun e Ibrahim Rugovën. Kjo është pesëshja e madhe e njerëzve të kulturës shqiptare, të cilët nuk janë më ndër të gjallët.
Në tërthoret e Atdheut tonë, e përtej tij, shkrimtarët njëzetvjeçarë shkëlqejnë si meteorë, tridhjetëvjeçarët ulin kokën, katërdhjetëvjeçarët i pushton idhnía; te më të moçmit trazohen të gjitha këto. Zef Pllumi është shembull tjetër. Veprën e parë e botoi kur kishte më shumë vite se sa Gjergj Fishta, i adhuruari i tij, kur vdiq. Zef Pllumi për rreth një decenie i shkroi të gjithë veprat e veta. Në këtë vështrim ky i ngjan më tepër Pjetër Bogdanit, që kryeveprën e tij Cuneus Prophetarum e mbaroi për një decenie në fund të jetës, apo Naim Frashërit, që të gjitha veprat në shqip i shkroi për një dhjetëvjetësh, para se t’i vinte fundi.
Zef Pllumi krijoi veprën monumentale “Rrno vetëm për me tregue”, një kryevepër të logorologjisë shqiptare, në trajtën e “shkrimit të jetës”, në një prozë me stil gegnisht, më e mbrama e madhe. Aty në një sistem të ndërliqshëm strukturohet “rrëfimi” me “dëftimin”, dëshmia për egërsinë që përplaset me indin e jetës, duke ruajtur moralin katolik të krishterë të misionarit të rebeluar për lirinë e njeriut. Pra, misionari dëshmitar kurorëzohet shkrimtar. Edhe me vepra të tjera: për Françeskanët e mëdhaj, për Fratin e pashallarëve, për Njerëzit fisnikë, për Sagën e fëmijnisë, ashtu dhe me shkrimet prohistorike që shndërrojnë legjendën në fakt dhe anasjelltas, Zef Pllumi është themelues i prozës dokumentare letrare në letërsinë shqipe.
Vepra e Zef Pllumit sot është kaq e pranishme kudo ku lexohen shkronjat shqipe. Në Kosovë, njëri nga autorët më të lexuar. I vlerësuar nga lexuesi e dijetarët, ajo tashmë është vlerë letrare e kulturore që mësohet në gjimnaze e ne universitet. Për vërtetësinë e për bukurinë e saj.
Lufta Prigozhin - Putin
Më shumëJeta në komunizmin shqiptar
Fjalë të urta orientale: Mjeshtri i paaftë zihet me veglat e tij
Fadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Vdekja e Skënderbeut, sipas legjendave të popullit
Karnavalet, origjina dhe domethënia
Fjalimi i Skënderbeut!?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur