Organizata ndërkombëtare e policisë, INTERPOL, lëshoi fletarrestim për ish-nënkryetarin e Listës Serbe, Milan Radoiçiq dhe 11 persona të tjerë në lidhje me sulmin e armatosur më 24 shtator në Banjskë në veri të Kosovës, kurse avokati i Radoçiqit tregon se cila është procedura e mëtejshme në këtë rast.
Avokati Nenad Beqiriq, duke folur për “Nova“, thekson se nëse për klientin e tij (Milan Radoiçiqi) është lëshuar një urdhër i kuq i INTERPOL-it, nuk do të thotë se do të veprohet menjëherë, aq më tepër që është një situatë e ndjeshme politikisht për shtetin [Serbinë].
“Para së gjithash, lajmi për lëshimin e flet-arrestit të INTERPOL-it për Milan Radoiçiqin nuk është sa duhet i saktësuar, sepse prej tij nuk mund të konstatohet se për çfarë fletë-arresti bëhet fjalë. INTERPOL-i mund të lëshojë disa lloje urdhër-arreste dhe vetëm ai i kuq detyron shtetin anëtar të arrestojë dhe ekstradojë të kërkuarin. Në rastin konkret, edhe nëse supozohet se është lëshuar një urdhër i kuq për personin e përmendur, nuk do të thotë se do të veprohet menjëherë, aq më tepër që është një situatë e ndjeshme politikisht për shtetin [Serbinë]. Ajo që e komplikon më tej situatën juridikisht është fakti se ndaj Radoiçiqit po zhvillohet një hetim në Republikën e Serbisë dhe se ka mundësi që hetimi të zhvillohet në lidhje me të njëjtat ngjarje për të cilat kërkohet ekstradimi i tij, si dhe fakti ai është nën masën e ndalimit të largohet nga vendbanimi i tij”, thotë avokati Beqiriq, transmeton Telegrafi.
Sipas tij, çështja e objektivitetit dhe e paanshmërisë, sipas ligjeve, duhet të jetë e padiskutueshme.
“Nëse i përmbahemi Kushtetutës, veprat penale që dyshohet se janë kryer nga Radoiçiq janë kryer në territorin e Republikës së Serbisë, kështu që juridiksioni i prokurorisë dhe gjykatave serbe është i padiskutueshëm. Dhe çështja e objektivitetit dhe paanshmërisë, sipas ligjeve, duhet të jetë gjithashtu e padiskutueshme dhe nëse kështu do të zhvillohet në praktikë, mbetet për t’u parë”, përfundon avokati.
Ish-nënkryetari i Listës Serbe, Milan Radoiçiq, ka marrë përgjegjësinë për ngjarjet në Banjskë të 24 shtatorit, kur në orët e hershme të mëngjesit ndodhi një konflikt i armatosur me Policinë e Kosovës.
Me atë rast u vra polici i Kosovës Afrim Bunjaku, ndërsa u vranë tre serbë, anëtarë të grupit të armatosur që drejtohej nga Milan Radoiçiq.
Bashkësia ndërkombëtare dhe autoritetet e Kosovës e cilësuan atë konflikt si “akt terrorist”. Më 24 shtator dhe në ditët në vijim, policia e Kosovës gjeti një sasi të madhe të armëve ushtarake në Banjskë dhe rrethinë.
Nga ana tjetër, edhe Prokuroria e Lartë Publike në Beograd ka iniciuar procedurë kundër Radoiçiqit për rastin në Banjskë. Autoritetet hetimore serbe e akuzojnë atë për prodhim të palejuar, mbajtje, mbajtje dhe trafikim pa leje të armëve të zjarrit dhe lëndëve plasëse, si dhe për veprën penale të veprave të rënda kundër sigurisë së përgjithshme, si dhe shoqërim me qëllim kryerjen e veprës penale. Ai është shënuar si organizator i grupit. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City