Nënkampioni i Kosovës, Drita, ka vazhduar me largime edhe në ditën e sotme (e enjte), duke zyrtarizuar dy sosh.
Madje largimet e deritashme, janë disa nga lojtarët që kanë bartur barrën e skuadrës ndër vite dhe kanë fituar edhe trofe.
Në krye të listës është kapiteni Ardian Limani, i cili pas gjashtë vitesh largohet nga Drita dhe sipas të gjitha gjasave do ta vazhdojë karrierën te Shkëndija e Tetovës.
Mbrojtës Limani zhvilloi gjithsej 304 ndeshje në të gjitha garat me Dritën dhe ishte dëshira e tij që të largohej për një aventurë të re.
Janë larguar po ashtu edhe dyshja nga Podujeva, mesfushori Hamdi Namani dhe mbrojtësi Ilir Blakqori, që po ashtu kishin zhvilluar shumë ndeshje me klubin nga Gjilani.
Brenda katër vitesh, Namani kishte zhvilluar 139 ndeshje për Dritën, ndërsa bashkëvendasi i tij, Blakqori, mbrojti ngjyrat bardhëkaltër në 132 sosh.
Tjetër largim i rëndësishëm është edhe ai i Marko Simonovskit, i cili këtë sezon thënë të vërtetën, i mungoi Dritës në ndeshjet vendimtare.
Gjatë periudhës dy vjeçare, Simonovski arriti të kishte 70 paraqitje në të gjitha garat, duke shënuar 32 gola dhe duke dhuruar 6 asistime.
Po sot është konfirmuar edhe largimi i sulmuesit anësor, Almir Kryeziun.
Kryeziu gjatë periudhës dy vjeçare te Drita, arriti të ëjë 65 paraqitje duke shënuar 6 gola dhe duke asistuar 10 herë.
A do të ketë largime të tjera…
Gjatë ditëve në vijim, do të zyrtarizohen minimum edhe katër largime të tjera nga Drita, pasi tashmë janë arritur marrëveshjet. Listës do t’i shtohen edhe Ekow Mills, Iran Junior dhe Tun Bardhoku.
Në listën e largimeve do të jetë edhe kongolezi Raddy Ovouka, që shkëlqeu në ndeshjet e fundit me fanellën e Dritës. Largimi i tij do të bëhet, pasi ai ishte në huazim nga klubi ganez Hearts of Oak me të drejtë blerje për 400 mijë eurove.
Ky çmim duket i lartë për drejtuesit e Dritës dhe marrëveshja nuk do të mbyllet.
Në gjithsej do të shkojë në nëntë numri i largimeve nga tri herë kampioni i Kosovës. Largimet janë bërë pas konsultimeve me trajnerin Akis Valvalis, i cili u bashkua më Dritën vetëm muaj më parë, duke mos arritur titullin e kampionit.
Greku Valvalis do të qëndrojë të Drita edhe për sezonin e ardhshëm, pasi ka kontratë me gjilanasit dhe së bashku me kryesinë e klubit po punojnë për ardhjet.
Drita mund të bëjë dy shitje të mëdha në verë
Edhe pse deri më tani janë nëntë largime, numri mund të shtohet, por kësaj radhe, për t’i mbushur arkat e klubit.
Drita vazhdon të ketë në skuadër, disa nga lojtarët më të mirë të futbollit të Kosovës, si Muharrem Jashari, Rron Broja, Ardit Tahiri, Blend Baftiu, Almir Ajzeraj, Leonat Vitija dhe Kastriot Selmani.
Telegrafi mëson se disa klube evropiane janë interesuar dhe kanë kërkuar më shumë informarcion për Muharrem Jasharin dhe Ardit Tahirin.
Nëse vijën oferta të rëndësishme, sikurse ajo e Arnbor Mujës që erdhi vitin e shkuar nga Antëerp, klubi do t’i shqyrtojë me kujdes.
Ardhjet
Drita ka filluar të punojë fuqishëm edhe për ardhje e reja dhe zëvendësimin e lojtarëve që tashmë janë larguar.
Në sulm do të afrohet Rilind Haziraj nga Fushë Kosova, i cili shkëlqeu në Ligën e Parë, ku edhe golat e tij i kthyen ‘Pampurat’ në Superligë.
Emrat që janë përmendur për tu afruar deri më tani janë: Egzon Bejtullahu (Shkëndija), Gledi Mici (Prishtina), Leotrim Kryeziu (Prishtina), Bujar Pllana (Prishtina), Roland Sobowale (Malisheva).
Drita pritet të afrojë lojtarë edhe nga jashtë Kosovës, ku disa vende po hulumtohen nga afër. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Bayer Leverkusen nuk e njeh fjalën humbje, eliminon West Hamin dhe vazhdon tutje
Roma shumë e fortë për Milanin, fiton në Olimpico edhe pse luajti për 60 minuta me dhjetë lojtarë
Atalanta largon Liverpoolin nga Evropa, bergamasit në gjysmëfinale të Ligës së Evropës
Emiliano Martinez shmang përjashtimin gjatë gjuajtjes së penalltive falë një rregulli pak të njohur – ai ngacmoi tifozët e Lille
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Ai është më i rëndësishëm se sa mendojnë tifozët e futbollit - djali i Ancelotti kyç në dhomën e Real Madridit
Gundogan i pamëshirshëm për shokun e skuadrës, e lë fajtor për eliminimin e Barcelonës
Pep Guardiola shpjegoi se pse ai nxori nga loja në kohën shtesë dy gjuajtësit më të mirë të penalltive
Ka pesë vite pjesë e klubit, çmimi qesharak i shitjes që Reali i ka vendosur yllit të skuadrës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin