Drita konfirmon një lojtar të infektuar me coronavirus dhe një të izoluar para ndeshjes ndaj Inter Escaldes

Pandemia e njohur si coronavirus apo Covid-19 ka prekur tashmë edhe kampionin aktual të Kosovës, Dritën.

Drita do të nis kampanjën para-kualifikuese për Ligën e Kampionëve sot (e shtunë) me fillim nga ora 18:00 në takimin ndaj Inter Escaldes.

Dje (e premte) gjatë ditës, klubi gjilanas u nis drejt Nyonit të Zvicrës pasi i gjithë ekipi dhe stafi u pajisen me rezultate pozitive të testeve për Covid-19.

Lexo po ashtu Drita kërkon fitoren ndaj Inter Escaldes, formacionet zyrtare

Megjithatë, pas testimit të sotëm në Nyon, një lojtarë ka rezultat pozitiv me këtë virus.

Bëhet fjalë për mbrojtësin Fidan Gërbeshi, i cili nuk do të mund t’i ndihmoj ekipit pas testeve të bëra sot.

Te Drita do të mungojë edhe Bujar Shabani, i cili ka rezultuar negativ, por për shkak të kontakti me Gërbeshin duhet të izolohet sipas rekomandimeve.

“Për fatin tonë të keq mungojnë: Fidan Gerbeshi, i cili në testimin e fundit ka rezultuar pozitiv dhe Bujar Shabani i cili ka rezultuar Negativ, por për shkak të kontaktit me Fidanin, është kërkuar nga Uefa që të vetë-izolohet”, thuhet në njoftimin e Dritës.

Ndryshe, dje gjatë ditës, fituesi i Kupës së Kosovës, Prishtina njoftoi infektimin e shtatë anëtarëve të klubit me coronavirus, ku katër janë anëtar të stafit dhe tre futbollistë. /Telegrafi/