Oficerët e armatosur ranë në kurthin e një “kalorësi”, i cili doli për stërvitje me “shpatë” me veshje mesjetare.

Sipas mediave të huaja, përcjell Telegrafi, një familje thirri njësinë speciale, pasi kishte frikë se “kalorësi” do të niste një sulm në liqenin Hendre në qytetin Cardiff të Uellsit.

Burri u përball me oficerët e armatosur, mirëpo u zbulua shpejt se ai mbante një shpatë të rreme, ndërkaq, doli për një shëtitje me veshjen e tij të zbukuruar.

“Ishte pak e çuditshme, mendova se ishte një aktor. Rreth pesë minuta më vonë, erdhi policia, ata më thanë që kishin pranuar thirrje për një person me pamje të dyshimtë dhe e dinim menjëherë se për kë po flisnin”, tha një kalimtar rasti.

“Unë u thashë atyre se ai dukej sikur po bënte xhiro tek liqeni”, ka shtuar ai. /Telegrafi/