Djaloshi që përmbushi ëndrrën e babait të tij: Kush është Timothy Weah dhe përse zgjodhi përfaqësimin e ShBA-së

Gjatë një interviste me La Gazzetta Dello Sport në shkurt, Timothy Weah zbuloi ndikimin e babait të tij dhe pse ai zgjodhi ShBA-në, derisa kishte bërë një fazë testuese në Chelsea dhe se ai mbështet Arsenalin.

Sulmuesi 22-vjeçar bëri bujë me golin e tij të parë në Kupën e Botës për amerikanët kundër, duke përmbushur ëndrrën e babait të tij që nuk kishte luajtur kurrë në kompeticion.

Por, pse Weah Jr vendosi të luante për ShBA-në? Sulmuesi i Lille e zbuloi këtë në një intervistë për La Gazzetta Dello Sport.

“Kam lindur në Nju Jork dhe jam rritur në ShBA, ku kam filluar të luaj futboll shumë herët në skuadrat e të rinjve të kombëtares”, ka thënë ai në shkurt të këtij viti.

“Gjithmonë ka pasur një ndjenjë të veçantë, ndaj zgjedhja ishte e natyrshme. Fakti që babai im është president i Liberisë nuk ka ndikuar në vendimin tim. Prindërit e mi më kanë dhënë gjithmonë shumë liri dhe mendoj se kam marrë vendimin e duhur duke qenë se jemi gati të kualifikohemi në Kupën e Botës, do të ishte një ëndërr”.

“Edhe nëse luaj për Shtetet e Bashkuara, mendoj se mund të kontribuoj për vendin afrikan përmes futbollit, duke u përpjekur të jem shembull”.

Weah Junior jo vetëm që ka debutuar në Kupën e Botës, por ka shënuar në ndeshjen e tij të parë në këtë kompeticion.

Ndikimi i babait të tij, një fitues i Topit të Artë në vitin 1995 me Milanin, ishte i rëndësishëm, veçanërisht në vitet e para të karrierës së tij.

“Unë e konsideroj veten një person të ekuilibruar, të quhesh Weah nuk është një peshë”, vazhdoi ai.

“Mbiemri është i familjes sime dhe luaj për ta nderuar. Fakti që babai im ishte një yll ndërkombëtar dhe është president i një vendi nuk ka rëndësi. Për mua, ai është ende babai im. Ai bëri një karrierë të jashtëzakonshme dhe më takon mua të vazhdoj rrugën e tij”.

“Nëse filloj të mendoj për karrierën e babait tim, gjithçka do të bëhet më e ndërlikuar. Kështu që unë preferoj të fokusohem në futbollin tim, duke dhënë më të mirën time dhe duke shijuar çdo moment në fushë”, shtoi ai.

“Babai im është një burim frymëzimi, një shembull që më motivon vërtet. Është normale që ai fitoi Topin e Artë sepse ishte shumë i fortë”.

“Lojtarët e tjerë afrikanë do ta kishin merituar, si Eto’o ose Mane. Ndoshta kanë paguar për faktin e të qenit afrikanë dhe kjo i jep edhe më shumë vlerë arritjeve të babait tim”.

“Ai e njeh mirë futbollin dhe gjithmonë më jep këshilla të mira, e njëjta gjë vlen edhe për nënën time, e cila është një tifoze masive e futbollit”, potencon Weah.

George ishte duke luajtur për Chelsea kur lindi Timothy dhe djali i tij pati disa prova me Blutë.

“Kur isha fëmijë kam pasur disa prova me Blutë sepse babai im luante atje. Unë kam shumë miq në Chelsea, si Reece James dhe Callum Hudson-Odoi”.

Intervista u publikua disa ditë përpara një takimi të raundit të 16-të të Ligës së Kampionëve midis klubit të Weah, Lilles dhe Chelseat në sezonin 2021-22.

Weah është kontraktuar me skuadrën e Ligue 1 deri në vitin 2024, por ka interesim në Serie A dhe ka një ekip tjetër të preferuar në Londër.

“Seria A është një ligë emocionuese, me shumë ekipe që luftojnë për titull. Ndoshta, nuk është në krye si Liga Premier, por ishte kthyer në ditët, si kur babai im luante për Milanin. Futbolli është një cikël dhe liga italiane mbetet një nga më të mirat, do të doja të luaja atje një ditë”.

“Jam i fokusuar te Lille, por kam pasur ambicien të luaj për një ligë si Serie A, veçanërisht në një klub si Milani që është pjesë e historisë së familjes sime”.

“Ai (George) nuk flet kurrë hapur për këtë, por kur isha fëmijë, kishte idenë që të më detyronin të luaja në sektorin e tyre të të rinjve. Gjërat shkuan ndryshe, por një ditë mund të bashkohem me Milanin. Gjërat ndodhin shpejt në futboll, kurrë nuk e dini se çfarë mund të ndodhë”.

Weah luajti me portierin e Milanit, Mike Maignan në PSG, por gjatë intervistës së tij të fundit me Gazzetta, ai zbuloi se është gjithashtu një mik i mirë i Rafael Leao dhe Fikayo Tomorit.

“Unë flas edhe për Serinë A me Weston McKennie dhe Moise Kean. Unë kam qenë tifoz i Arsenalit që kur isha fëmijë”, tregon ai. “Kjo është për shkak të nënës sime, e cila ishte një fanse e Arsene Wengerit dhe më sillte për të parë ndeshjet në Emirates Stadium”.

Weah iu bashkua sektorit të të rinjve të PSG-së në vitin 2014 nga New York Red Bulls. Ai kaloi gjashtë muaj në huazim te Celtic në 2019-ën para një transferimi të përhershëm prej 10 milionë euro te Lille në verën e të njëjtit vit. Ai bëri gjashtë paraqitje me PSG dhe ka tetë gola në 81 paraqitje në të gjitha garat me Lille. /Telegrafi/