Djali i Anne Heches thyen heshtjen, flet për herë të parë pesë muaj pas vdekjes së të ëmës

Djali i Anne Heche, Atlas, ka thyer heshtjen duke reaguar për herë të parë për vdekjen e të ëmës.

13-vjeçari e përshkroi nënën si ‘personin më të mirë që ka parë ndonjëherë’, ndërsa dha një deklaratë për revistën ‘Los Angeles Inquisitor’.

“Ajo gjithmonë dinte se si të zgjidhte një problem ose të ndihmonte një mik”, shtoi Atlas. “E dinte gjithmonë gjënë e duhur për të bërë”.

“Nuk mund të them me fjalë se sa mirënjohës jam apo sa më mungon ajo”, vazhdoi ai.

Atlas është fëmija i Annes që e ndan me ish-partnerin e saj, James Tupper.

Ylli i “Big Little Lies”, 57-vjeç, kishte folur gjithashtu për “dashurinë dhe energjinë” që Atlas solli në marrëdhënien e tij dhe Heche.

“Ana dhe unë ishim bashkë për më shumë se një dekadë; ne kemi një djalë të bukur së bashku, dhe në atë kohë, ai ishte vetë përkufizimi i dritës në jetën tonë, duke sjellë gjithmonë harmoni”, tha Tupper.

Aktori, i cili u takua me Heche nga viti 2007 deri në 2018 , përfundoi: “Ajo do të mbahet mend gjithmonë dhe do të jetë në zemrat tona”.

Fituesja e Emmy-t ishte gjithashtu nëna e djalit Homer, 20 vjeç, me ish-bashkëshortin e saj, Coleman Laffoon.

Ylli i famshëm ndërroi jetë në gusht të vitit 2022 në moshën 53-vjeçare në një aksident me makinë. /Telegrafi/