Diplomati i njohur, Shaban Murati, thotë se i ashtuquajturi Mini-Schengeni Ballkanik nuk është një nismë rajonale, por është nismë e vetë Serbisë.
Në RTV Ora, Murati thotë se terminologjia Mini-Schengen Ballkanik ishte një truk ballkanik për t’ia hedhur masave.
Diplomati vlerëson qëndrimin e Kosovës, e cila është shprehur disa herë kundër çdo përpjekje për krijimin e Jugosllavisë së re.
“Nuk është nismë rajonale, por është nismë serbe. Kjo nuk është e vetmja që lindi. Ballkani ka disa nisma rajonale dhe kuptohet që Shqipëria vërtet nuk ka çfarë të bëjë në raporte kontinentale, evropiane për Kosovën, përveçse të votojë e të lobojë për t’u anëtarësuar në organizata ndërkombëtare, si UNESCO e INTERPOL, por në rajon ku ti ke veton, ku ti je një shtet anëtar i NATO-s, është e papranueshme ti të mos vësh veton, që asnjë lëvizje rajonale brenda këtyre shteteve të mos pranohet Kosova. Është një dobësi, ndaç shtetërore ndaç diplomatike”, ka thënë Murati.
Ai u shpreh se Shqipëria e ka pasur propozimin që në vitin 2016, ndërsa theksoi se vetë Vuçiqi pasi u zgjodh President ka shprehur se “kërkon të rikrijojë Jugosllavinë e vjetër, plus Shqipërinë”.
“Krijimi i këtij grupi është një sukses diplomatik i Serbisë. Presidenti i Serbisë, Alleksandar Vuçiq, në 16 shtator 2016 në vizitën zyrtare në Paris ka propozuar krijimin e zonës së përbashkët ekonomike Ballkaniko-Perëndimore. Po ashtu ka deklaruar që ëndrra ime është të krijoj zonën e përbashkët dhe tregun unik të Ballkanit Perëndimor. Po në Paris, ai ka deklaruar se ja kam paraqitur dhe udhëheqësve të tjerë të Ballkanit Perëndimor. Pra Shqipëria e ka marrë këtë propozim që në 2016. Nuk është ndjerë. Punë e saj pse nuk është ndjerë. Në 2017, 4 ditë pasi u zgjodh Presidenti, pra në 6 prill 2017, Presidenti i ri i Serbisë, Vuçiq ka dhënë një intervistë për një të përditshme amerikane ku deklaron tekstualisht ‘është rikrijimi i Jugosllavisë së vjetër, plus Shqipërinë’. Gazetari bën një artikull po atë ditë me titull ‘Plani i Serbisë për të rikrijuar Jugosllavinë’. Pra është një projekt që sanksionin rolin udhëheqës të Serbisë në Ballkanin Perëndimor”, deklaroi diplomati Murati.
Sot në Tiranë po qëndrojnë presidenti serb Alleksandar Vuçiq dhe kryeministri maqedonas, Zoran Zaev për të zhvilluar takime me kryeministrin shqiptar, Edi Rama, në kuadër të nismës së ashtuquajtur Mini-Schengeni Ballkanik.
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
AGK-ja dënon intimidimin publik të deputetit Dimal Basha ndaj gazetares së RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City