Diego Costa u përjashtua me karton të kuq pasi goditi me kokë mbrojtësin Ben Mee në ndeshjen e së shtunës në Ligën Premier ndërmjet Brentford dhe Wolverhampton Wanderers.

Reklama

Brentford dhe Wolves luajtën baras me rezultat 1-1 në ndeshjen e vlefshme për javën e 14-të në Ligën Premier.

Golat në këtë ndeshje u shënuan nga Ben Mee (50’) për vendasit dhe Ruben Neves (52’) për mysafirët.

Megjithatë, jo gjithçka përfundoi në rregull me këtë ndeshje, pasi pati një incident në minutat shtesë.

Akteri kryesor ishte sulmuesi i njohur Diego Costa, i cili edhe në të kaluarën ka qenë pjesë e skandaleve.

Reklama

Costa pati një përplasje me Mee në zonën e Brenfordit dhe vendosi ta godasë dy herë me kokë, një incident i cili nuk u pa fillimisht nga gjyqtari Bobby Madley.

Reklama

Megjithatë, Madley u udhëzua të konsultohej me monitorin e fushës nga VAR-i dhe pasi rishikoi situatën e ndëshkoi më të kuq sulmuesin Costa.

Madley vendosi ta ndëshkoj Costën për sjellje të dhunshme, ndërsa ky ishte kartoni i shtatë i kuq në karrierën e spanjollit. /Telegrafi/