LAJMI I FUNDIT:

“Diçka kishte lëvizur poshtë tij”: Burri shpëtohet pas 53 orësh, pasi u lëndua derisa po kalonte nëpër një shpellë në Uells

“Diçka kishte lëvizur poshtë tij”: Burri shpëtohet pas 53 orësh, pasi u lëndua derisa po kalonte nëpër një shpellë në Uells

Një burrë që u plagos ndërsa po kalonte nëpër një shpellë në Uells të shtunën është shpëtuar.

Sipas mediave të huaja, përcjell Telegrafi, pasi u ngrit në sipërfaqe me barelë, ai u duartrokit dhe u brohorit nga shpëtimtarët përpara se të dërgohej në një ambulancë në pritje.

Ekipi i Shpëtimit në Shpellën Jugore dhe Mid Uells (SMWCRT) tha se ai ra në sistemin e shpellave Ogof Ffynnon Ddu pranë Penwyllt, Powys.

Ai ka lëndime të shumta, por thuhet se është në gjendje të mirë shpirtërore.

Gary Evans, oficer ndërlidhës i shërbimeve të urgjencës dhe një nga kontrollorët e incidentit, tha: “Viktima po ecën jashtëzakonisht mirë kur merr parasysh sa kohë ka qëndruar në shpellë, sa kohë ka qëndruar në barelë, ai është me të vërtetë shumë mirë”.

“Ai është duke u vlerësuar për momentin dhe ne do të dimë më shumë në një kohë të shkurtër”.

Siç bëhet e ditur, rreth 250 persona u përfshinë në përpjekjen e shpëtimit.

Një nga shpëtuesit, Peter Francis tha se burri ishte “një shpellar me përvojë dhe i aftë” dhe “ishte një çështje e vendosjes së këmbës në vendin e gabuar”.

Ai shtoi: “Është vetëm diçka që kishte lëvizur nga poshtë tij”.

Kushtet e mjegullta dhe të lagështa në Brecon Beacons bënë që një helikopter i ambulancës ajrore të mos mund të ulej.

Në vend të kësaj, burri duhej të zhvendosej me barelë nga ekipe të specializuara që punonin me turne.

Ky ishte shpëtimi më i gjatë në shpellë i ndërmarrë në Uells. Më i gjati kishte qenë një shpëtim prej 41 orësh dhe ky operacion zgjati më shumë se 53 orë.

Ndryshe, bëhet e ditur se sistemi kompleks i shpellave Ogof Ffynnon Ddu është rreth 275m në pikën e tij më të thellë – i dyti më i madh në Uells dhe një nga më të thellët në Mbretërinë e Bashkuar.

Sipas Natural ResourcesWales, shpellat u zbuluan nga South Wales Caving Club në vitin 1946, dhe përmbajnë një numër përrenjsh dhe ujëvarash nëntokësore. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori