Në seancën e sotme gjyqësore kundër katër ish-krerëve të UÇK-së, dëshmitari i gjashtë i Zyrës së Prokurorit të Specializuar, ka deklaruar se prej frikës nga forcat serbe kishin bërë roje fshati.
Këtë ai e tha pas pyetjeve që mbrojtësi i Rexhep Selimit, Eric Tullyi bëri karshi dëshmitarit të gjashtë.
Mbrojtja e Selimit e ka ballafaquar dëshmitarin e gjashtë të ZPS-së, me disa pjesë të intervistës së tij që e kishte dhënë për Zyrën e Prokurorit të Specializuar, në vitin 2019.
Dëshmitari me kodin 4355, i Zyrës së Prokurorit të Specializuar, ka deklaruar se kryesia e fshatit në një mbledhje, kishte vendosur që të bëhej roje në fshat.
Avokati: Ti për ZPS thua në një rast personi 3, bëri një mbledhje në fshat me dal natën me ruajt, personi 3 ka bërë roje me disa të rinj, me disa djem, fshati ka mbajtur mbledhje për të dal me bë roje natën”, pyetje kanë qenë civilët e fshatit ata që kanë bërë roje dhe përgjigja juaj është po”. A të kujtohet që ia ke thënë Prokurorisë në intervistën në vitin 2019
Dëshmitari: Po
Avokati: A mund të na thuash se kur ka ndodhur ky incident
Dëshmitari: Incident nuk u kanë ky
Avokati: Ose këto ngjarje kur janë bërë këto rojet e natës
Dëshmitari: Nga fundi i 98-së, kryesia e fshatit e ka bërë mbledhjen që disa me dal natën me bë roje në fshat
Avokati: A mund të na thuash përafërsisht se në çfarë muaji ka ndodhur kjo gjë
Dëshmitari: 98’ën gusht-shtator aty pari ndoshta
Në pyetjen e mbrojtjes së Selimit se për të bërë roje a paguheshin apo ishte punë vullnetare, dëshmitari u shpreh se ishte punë vullnetare pa pagesë.
Avokati: Të bëje roje nuk paguheshe apo jo nuk ishte punë me pagesë ishte punë vullnetare
Dëshmitari: Vullnetare pa pagesë u kanë
Avokati: Askënd nuk e detyronin që të bënte roje nate, nuk është që të detyronte kush që të bënte roj
Dëshmitari: Nuk dëgjohet
Avokati: Për çfarë ruanin fshatarët fshatin, nga kush e ruanin fshatin fshatarët
Dëshmitari: Fshatin e ruanim nga forcat serbe kishim frikë mos po hynë edhe me dhënë një alarm që ka diçka
Ndërsa, në pyetjen e mbrojtjes se a ishte e zakonshme kjo praktikë e rojës së fshatit edhe në fshatrat tjera, kjo përgjigje u redaktua nga Specialja.
Një pjesë e dëshmisë së këtij dëshmitari të radhës së ZPS-së, ka qenë e mbyllur për publikun.
Qysh në nisje të seancës së sotme, prokurori i ZPS-së, i cili po parashtronte pyetje për dëshmitarin e 6-të, Mattheë Holling kërkoi të kalohet në seancë private me qëllim që të mbrohet dëshmitari.
Dëshmitari i gjashtë i ZPS-së, ka nisur dhënien e dëshmisë së tij nga pasditja e djeshme. Një pjesë e dëshmisë së dëshmitarit të gjashtë u dëgjuar kryesisht në seancë të mbyllur për publikun si masë për mbrojtjen e dëshmitarit.
Ndërsa, po në seancën e djeshme gjyqësore kundër Thaçit dhe të tjerëve, dëshminë e tij e përfundoi edhe dëshmitari i pestë i ZPS-së.
Katër dëshmitarët e parë në gjykimin kundër ish-presidentit, Hashim Thaçi, ish-kryekuvendarëve, Jakup Krasniqi e Kadri Veseli dhe ish-deputetit, Rexhep Selimi, dhanë dëshminë e tyre në seanca të mbyllura për publikun.
Ish-krerët e UÇK-së, për të cilët prokuroria pretendon se kanë kryer krime lufte, po gjykohen pas një procedure paraprake që ka zgjatur më shumë se dy vjet.
Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm. /kp/
Promo
Reklamo këtuLufta Prigozhin - Putin
Më shumëU gjuajtën me armë derisa ishin në veturë, detaje nga rasti që ndodhi në Prishtinë
Policia serbe e dërgon në paraburgim mërgimtarin nga Gjakova që e arrestoi në kufi
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
Maqedonci ngre alarmin: Tensionet vazhdojnë, Serbia nesër do të testojë dronë kamikazë në kufi me Kosovën
Kosova bëhet me 445 policë të rinj - deklarata e presidentes, kryeministrit dhe pamje nga ceremonia
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi